Vawiin khan Lawngtlai Chief Medical Officer Conference Hall-ah Lawngtlai District chhunga Community Health Officers, Health Superviser leh Health Workers zawng zawng tan Immunization leh Mission Indradhanush chungchangah Training buatsaih a ni.

He Training-ah hian Immunization chungchanga Lawngtlai District dinhmunte thlirho niin, tun aia tam zawk a Vaccine pek theih dan turte an sawiho a, a bik takin Lawngtlai District khawthlang lamah hian thawktu ten Vaccine pek chungchangah harsatna an tawk nasa hle a, khaw tam takah Vaccine la duhlo an la tam hle niin sawi lan a ni. Kumin April leh May thla pawh hian khawtinah kalin Vaccine pek runpui Mission Indradhanush neih a ni. Mahse Vaccine la duhlo an tam avangin target an phalo hle niin thawktute chuan an sawi.

Vawiina Trainingah hian Dr. HC. Thangkima, Chief Medical Officer, Lawngtlai, Dr. Vanlalrengpuia Chinzah leh Dr. Zothanpari Chhakchhuak Medical Officer ten Zirtirna an pe a ni.