No.3883/2021-2022

Aizawl, 2nd February, 2022 : Vawiin khan Health & Family Welfare Board non-official member te chuan an Chairman Dr R. Lalthangliana leh  Vice Chairman Dr ZR Thiamsanga hovin SAD Conference Hall, MINECO-ah Health Department hnuaia SEDP kalpui dan tur vawiin khan an sawiho.

He an sawihonaah hian Mizoramah primary healthcare a pawimawh thu leh tihchangtlung a ngaih dan te sawi a ni a. Healthcare chu sawrkar policy pawimawh tak a nih avangin SEDP hmanga health system thuamthat dan tur sawi a ni. Sub-Centre leh PHC building thuamthat te, a la nei lo khuaa Health Clinic din belh te, Health worker leh thawktu dang rawih belh dan turte leh medical bungrua mamawh phuhruk dan te, heng atana ruahmanna la siam dan tur te an sawiho a ni.