No.2701/2020-2020

Vawiin khan Health and Family Welfare Board Vice-Chairman Dr. Z.R Thiamsanga chuan Civil Hospital, Aizawl tlawhin, Covid-19 hripui leng kara sawrkar hmalakna hrang hrang te a hmunah a en.

Dr. Z.R Thiamsanga chuan ICU leh NICU khum 20 chuang tuna awmsa bak siam mek peih tep a ni ta te, hripui leng mek kara mipuite mamawh hre reng chung a hetiang a sawrkarin hma a la chu lawmawm a tih thu te, labour room tha zawk a awm theih nana ruahmanna kal mek te leh sawrkar hmalakna siam mek inzaina hmanrua ur thianghlimna te peih tep a ni ta chu lawmawm a tih thu a sawi.

Civil Hospital kawt tunhnaia min pawh a hmunah Engineer te nen enin Dr. Z.R Thiamsanga chuan hmun laili leh pawimawh a nih avangin chak taka hna thawk turin Engineer te chu a hrilh bawk a ni.

Dr. Z.R Thiamsanga hi Dr. T Lalhmangaihi Director, Hospital and Medical Education te, Dr. Lalhmuchhuaka Medical Superintendent, Civil Hospital, Dr. John Zohmingthanga Dy. Medical Superintendent, EE, SDO leh Medical team ten an tawiawm a ni.