No.2591/2020-2020

Mizoram chhunga Government/ Community/ Hotel/Home Quarantine Facility-a awm tura tihte reng reng chu ni 14 chhung an awm ang.

1. Quarantine-a awm chhung hian Health Department-in inkaihhruaina a siamte chu tha taka zawm tur a ni.

2. mCOVID-19 leh Aarogya Setu-ah in register vek tur a ni.

3. Quarantine chhung hian RT-PCR test result chhuak hman ngei tura ngaih a ni a, test result hre hmasa loin tumah Quarantine Centre chhuahsan phal a ni lo. Ni 14 a ral tawh a, RT-PCR result a negative bawk chuan Quarantine Facilities chhuahsan phal a ni. Rokhawlhna engemaw avanga hemi chhunga test result chhuak hman lo an awm chuan Quarantine Centre bialtu Health Official leh bialtu CMO te in berawnin an chungchang an rel fel ang.

4. RT-PCR test tur sample chu Quarantine Centre (Home Quarantine telin) luh atanga ni 5 ral hnuah lak tur a ni. COVID-19 positive te nena in contact hnai (close contact) te chu positive te nena an in contact atanga chhiara ni 5 – 10 inkarah RT-PCR test tura sample laksak tur a ni. Hei hi CMO ten ruahmanna an lo siam ang. Qurantine tur te zingah COVID-19 signs and symptoms neite chu ni 5 nghak kher lovin, a rang thei bera RT-PCR hmanga test tur a ni.

5. Quarantine zo tawh te chu Health & Family Welfare Department-a bialtu CMO ten Quarantine Period Completion Certificate an pe thin ang. An chhuah atanga ni 7 chhung chu mahni uluk taka invawn (self-monitoring) tur a ni. Hemi chhung hian a hnuaia mite hi tha taka zawm tur a ni.

a) COVID-19  laka mahni, chhungkua leh khawtlang him nana zawm tur hrang hrangte- mask tha taka vuah, social distancing tha taka zawm leh kut silfai fo te bakah hriselna kawngah mahni theuh in vawn uluk zui zel tur a ni.

b) Tual laiah an leng chhuak tur  a ni lo a, in lamah inleng an kawm tur a ni lo.

c) Natna kai awl bik ho – kum upa, naupai, naupang, lung natna vei, zunthlum, cancer, HIV etc. veite bulah awmlo thei se.

d) Ram lam hnathawka kal chhuah leh ram riah phal a ni. Ram riak apiangin Thosilen damdawia chiah sa/chiah chawp zar vek tur a ni.

Hriselna lama harsatna nei chuan heng contact number-ah te hian thu thlen reng theih a ni e:- 102(Toll free)/0389 – 2323336, 0389-2322336, 0389-2318336

Hei hian hemi chungchanga Notification lo awm tawh a luahlan (supersede) ang.