No.2590/2020-2020

Minister Pu K. Lalrinliana'n Kolasib khaw chhunga MLA-LAD fund, Excluded Area grant leh Mizoram Finance Commission grant hmanga hnathawh a hmunah kalin a enfiah zel a, vawiin khan Kolasib Venglai, Electric Veng Village Council Area a MLA-LAD fund a hnathawh te leh Excluded Area Grant leh Mizoram Finance Commission Grant hmang a hmalakna te a endik chhunzawm.

Vawiin khan Minister Pu K Lalrinliana chuan Venglai area chhunga Diakkawn leh Parkkawn kawng laih zauh hnate, LAD road (Venglai kawnghnuai) kawng laih zauh leh lungremte, Venglai bazar atanga Convent Road inpawhna kawng siamte, Venglai Branch YMA dawr te, Tumpui venga step siamte, thlanmual hmun a tuizem, waiting shed sak te leh HT High School building thar sak that mek te a hmunah kalin a enfiah a, hmalakna kalpui chhunzawm dan tur ruahmanna te a siampui nghal a ni.

Minister hian Tumpui Middle school basketball leh backyard extension-te, MLA LAD fund hmanga Electric veng VC house sak mek leh tuizem siam te endik bawkin heng hmalakna hrang hrangte hi vengchhung mipui leh ram tan a ro tling ni tur a enkawl chhunzawm zel a pawimawh thu a sawi a, a chhawr tangkaitu tur ten neitu nihna thinlung pu chung a an enkawl zel a tul thu a sawi bawk a ni.

Attachment

  • Loading attachment...