No.2589/2020-2020
Assam, Arunachal Pradesh leh thenawm ram Myanmar-ah te vawk natna African Swine Fever (ASF) a leng tih hriat a ni a. He natna hi inkaichhawn awl tak leh natna hlauhawm tak, a venna (vaccine) leh enkawlna damdawi awm lo a ni a. Mizoram chhunga vawk awmsa te venhim a, mihring hriselna venhim tul nia a lan avangin khapna thupek chhuah a tul a.
Chuvangin, Kei, Dr. H. LALTHLANGLIANA, DISTRICT MAGISTRATE, KOLASIB DISTRICT, hian, Section 144, CrPC 1973 in thuneihna min pek angin, hetiang hian khapna thupek ka chhuah e.
1. Thenawm ram (foreign countries), State dang leh District dang atanga vawk, vawksa leh Vawksa atanga eitur siam reng reng lakluh leh thawn chhuah khap tlat a ni.
2. Vawk thi reng reng paih mai mai lovin, thuk takah phum thin tur a ni.
3. Vawk talh tu ten vawk hrisel tha chauh an talh tur a ni.
4. Vawk neituten vawk damlo an hralh tur a ni lo.
Hemi dan bawhchhetute chu Section 188 IPC hmangin hrem theih an ni ang.
He khapna thupek hi ni 30.06.2020 atanga hmang tanin thla 2 (hnih) chhung a huam ang.
