No.602/2021-2022

Aizawl, 20th May, 2021 : Special Secretary to the Government of Mizoram, Health & Family Welfare Department Pu R. Lalramnghaka chuan May ni 19, 2021 khan a hnuaia tarlan ang hian thupek a chhuah :

‘Mizoram chhunga Government/ Community/Hotel Quarantine Facility-a awm te inkaihhruaina’ No.D.33011/25/2020-HFW/(nCOV)/Sat/(C) dt.31.10.2020-a tih chhuah chu a hnuai a mi ang hian tih danglam (revised) a ni.

He inkaihhruaina hi Notification tih chhuah ni atanga thu leh awm hma chu hman tur a ni ang.

1. Quarantine-a awm chhung hian Health Department-in inkaihhruaina a siamte chu tha taka zawm tur a ni. Mask vuah, kutsil ngun, hand sanitizer hman, social distancing leh invenna dangte quarantine chhung hian uluk takin an vawng tur a ni.

2. mCOVID-19 leh Aarogya setu app ah in register vek tur a ni.

3. Quarantine chhung hian Quarantine tan ni atanga ni 10 hnuah RT-PCR lak tur a ni a, test result chhuah hma chuan uluk takin an in quarantine chhunzawm ngei tur a ni.

4. Test result a chhuah a, a negative chuan inkhung zui a ngai tawh lovang. Amaherawhchu, mahni hriselna inchik (self monitoring) chhunzawm reng tur a ni a, invenna uluk taka kalpui chhunzawm zel tur a ni.

5. Quarantine zo tawh te chu bialtu Chief Medical Officer-te’n Quarantine Completion Certificate an siam sak thin ang.

6. Mi tupawh quarantine laia Covid-19 signs & symptoms nei erawh chu ni 10 nghak kher lovin, a rang thei ang bera swab sample laksak tur a ni.

7. Hriselna lama harsatna neite tan heng Covid Helpline ah hian thu a thlen theih reng a ni – Phone nos – 102 / 0389-2323336 / 0389 2322336 / 0389 2318336.

He Notification hian hemi chungchanga Notification lo tih chhuah tawh vide No.D.33011/23/2020-HFW/(nCOV)/12 dt. 25.09.2020 leh No.D.33011/25/2020-HFW/(nCOV)/Sat/(C) dt.31.10.2020 a luah lan ang.