No.4821/2020-2021  

COVID-19 hripui lengin Mizoram a rawn luhchilh avangin mitin kan ralkhelin kan chi-ai hle a, Health & Family Welfare Department pawhin rang taka hma la in ruahmanna a siam nghal zung zung a ni. Mizoram chhung hmun hrang hrangah, a bik takin ramri hnaih lamah COVID-19 hri lo luh theihna tur ni a ngaih hmun chi hrang hrang chhuichhuak nghalin medical check post siam nghal a ni a, a tul dan azirin heng check post te pawh hi siam belh zel tum a ni.

Medical check post tam zawk hi ramri dep hmun kilkhawr tak taka awm an nih avangin mobile phone network in a cover phak loh bakah telephone connection a awm lo hrim hrim a, sawrkar laipui pawhin notified disaster-a a puan hripui leng kara awm kan  nih avangin, heng check point atangte hian rang taka report inpekchhawn a tul si a, hetiang atan hian wireless radio system hi a tangkai ber tura ngaih a ni.

Kan dinhmun thlirin June ni 10, 2020 khan Purchase Committee Meeting on Mizoram State AYUSH Society chuan wireless radio system hi lei a rel ta a ni. He wireless radio system hi Mizoram chhungah B.L Wireless System, Ramhlun Venglai te chu a supply thei awmchhun an nih avangin anni hi thlan nghal a ni.

Wireless Radio System hian walkie-talkie handset chauh a huam lova, antenna, battery leh charger etc. a tel a ni. A hnuaia table ah hian Health & Family Welfare Department-in Wireless Radio System a lei dan kimchang tarlan a ni.