4752/2024-2025

21st March, 2025 : Vawiin 21st March 2025 khan National Oral Health Programme, NHM, Health & Family Welfare Dept. huaihawtin DHME Auditorium, MINECO, Khatla ah World Oral Health Day hman a ni a. He hun hi Pi Lalrinpuii, Minister, Health & Family Welfare Department chuan khuallian niin a hmanpui a. Kumin hian thupui atan ‘A happy Mouth is.. a happy mind’ tih hman a ni.

Khuallian Pi Lalrinpuii, Minister chuan Mizoram chhunga District Hospital, Community Health Centres leh Primary Health Centres a Dental OPD te hi mipui ten a theih anga pan taima a hmang tangkai turin chah a. Kan ka chhung hriselna ngaipawimawh tur leh Mizote Zuk leh hmuam tilo kan tam tawh thu te, mi hmaa ding thin Zaithiam leh Sport lam tuimi tam tak pawhin HA fai tak neih an duh tawh thu te a sawi a. Kan pi leh pute hunlai aia Zuk leh hmuam tih loh kawngah hma kan sawn tawh zia sawiin kan fai sawt ziate hmuh hian lawmawm a tih thu a sawi a. A bikin Thalai te hian Zuk leh hmuam tih loh hi inzirtir uar sauh sauh ila, Nu leh pate pawhin kan fate zuk leh hmuam tilo zel turin I zirtir sauh sauh ang u tiin a chah bawk. Zuk leh hmuam intheh kan ching te pawh hi sim a duh thu sawiin mitin te kan hrisel deuh deuh theihnan eitur hrisel chauh ei uar zel turin a chah bawk. Mizoram puma Dental Surgeon kal khawm te a fuih bawk.

Dr. Eric Zomawia, Director, Hospital & Medical Education, chuan kaihhruaiin World Oral Health Day hi 20th March, 2025 niin remchang zawkna avanga vawiina hman a nih thu a sawi a. Kalkhawm zawng zawng te hnenah lawmna thusawiin sawm bik zawng zawng te’n an ngaihpawimawh avangin lawmthu a sawi bawk.

He hunah hian Dr. F. lalrimawii, State Nodal Officer, National Oral Health Programme, NHM in National Oral Health Programme hnathawh te leh Ka chhung enkawl that a pawimawhzia leh enkawl dan tur Powerpoint Presentation a pe a. Kum 2017 atanga kum 2022 chhung ringawt pawhin Ka chhung Cancer mizoramah mi 1105 an awm thu a sawi a. Kum 2024 chhunga Sawrkar damdawiin hrang hrang Dental OPD a inentir mi 72,005 an awm thu a sawiin mipuite in entir uar sauh sauh turin a duh thu a sawi a. India ram hi Oral Health (ka chhung hriselnaah) khawvelah a hniam ber dawttu pahnihna kan ni a, ti khawp a kan hniam chung hian Oral Health hian ngaih pawimawh a hlawh lo hle tih a sawi a. Hahni hrisel tur chuan enkawl fai hi a pawimawh ber a, chuvang chuan nitin zing chaw ei kham leh zan mut dawn a ha nawh ziah a that thu a sawi a. Ha nget enkawl loh hi a tam em em a, nget lo tur a venna tha ber chu a hun tak a ha nawh fai hi niin A nget a awm chuan a nat hma a enkawl ran hi sum tam tak sen loh na a nih bakah a dam tha zawk bawk a ni a ti. Zuk leh hmuam vai hlo leh kuhva hi ka chhung cancer thlentu lian ber an ni a, hemi lakah hian mipuite bakah a la ti lo naupang te kan in fuih uluk a pawimawh thu sawiin. Mipuiten kan Ha engkawl uluk theuh turin a chah bawk.

Dr. S.R. Ngurchamliana, Additional Director, Hospital & Medical Education, Health & Family Welfare Deparment  lawmthu sawiin World Oral Health Day Program  hi a khar a ni.