Tun laia Mizoram Health Multipurpose Services Association Member-ten Sorkar laka an lungawilohna lan tir nan nawrh an huaihawt mek chungchangah Health & Family Welfare Department chuan a hnuai ami ang hian thuchhuah a siam : 

Health Worker atanga Health Supervisor-a kai san danah za-a 75 (75%) chu Seniority-a kai san ni se, a bak 25% chu limited departmental exam-a a ti tha apiangte kai ni se tih 2011 Recruitment Rules a awmsa chu a tha tawkin Sorkar chuan a hria a. Hei hi a thawksa te zingah inelna thianghlim a awm theih na tura duan a ni. Mizoram Health Multipurpose Services Association (MHMSA) chuan he 25% LDE hi duh lovin 100% Seniority a kai ni se an ti a ni. Heti a nih chuan mi thiam leh thluak tha, taima bawk si tan phurna (incentive) a tlahniam ang tih department chuan a hlau a ni. Health Supervisor atanga Community Health Officer (CHO) a kaisan chungchang pawh Mizoram Health Multipurpose Services Association te chuan 100% (za ah za) Seniority a kaisan ni se a duh a. Tun a recruitment rules, 2011 hman mekah chuan 25% seniority promotion, 50% LDE leh 25% direct recruitment te a ni a. 50% LDE-a promotion hi 25% a tih hniam a, 25% seniority a kaisanna hi 50% a tihsan ve thung turin department in rawtna a siam a. 

He rawtna hi DP&AR(GSW) pawhin tha tawka hriain Law & Judicial Department in a tul ang a hma an lo lak tura thawn mek a ni a. Hei hi a hlawhtlin chuan seniority a kaisanna 25% chu 50% ah a kai chho dawn tihna a ni a, tun dinhmunah a tha tawk rihin department chuan a ngai a ni. 

Hengte vang hian Mizoram Health Multipurpose Services Association Member-te pawh an nawrhna te titawp a, an hna zawm thuai turin Sorkar chuan a duh a ni