India Sorkarin kumtin Republic Day puala mi thlanchhuah bikte hnena Padma Award hrang hrang - Padma Vibhushan, Padma Bhushan leh Padma Shri a hlan thin chu nakum Republic Day 2018-ah pawh a hlan leh dawn a. Padma Award dawng tur hian mi tupawh Arts, Literature & Education, Sports, Medicine, Social Work, Science & Engineering, Public Affairs, Civil Service, Trade & Industry, etc. kawnga thawk tha emaw thawh hlawk te hming pek luh theih a ni. 

Padma Award hi India Sorkarin chawimawina a pek thin zingah a sang ber dawttu a ni a, chuvangin a dawng thei tura recommendation thehluh dawn pawhin uluk taka finfiah a tul a. A dil duh emaw nomination / recommendation thehlut duh emaw te tan online in (www.padmaawards.gov.in.) Ministry of Home Affairs Office, New Delhi-ah a tlai berah ni September ni 15, 2017 hmain a thleng tur a ni a. Website ah hian fiah zawkin “rule and regulations” siah a ni a. Hrechiang duhte tan office hun chhungin Deputy Secretary, Home Department, Mizoram-ah zawhfiah theih a ni bawk.