Vawiin chhun khan Minister of Transport, FCS&CA etc. Pu John Rotluangliana hovin a pisaah Tanhril FCI Kudam kawt vela buhfai unload tur Motor lian din dan tur leh lirthei kal dan chung chang sawi ho a ni. He hunah hian Parliamentary Secretary Pu TT Zothansanga pawh a tel a ni. 

FCI Tanhril kudam bula motor lian ten an buhfai phur an unload thin avang leh kawngsir a heng motor lian thenkhat park thin avanga helai kawngpuiah traffic jam a thlen tak thu vawiin hian sawiho niin, a sutkian dan tur hrang hrang te ngaihtuah a ni a. Harsatna a awm belh zel loh nan a remchang hmasa berah Parliamentary Secretary hovin a hmunah enfiah ni se tia rel a ni. He meeting-ah hian FCS&CA Department, Traffic leh UD&PA Department hruaitute leh MZU zirtirtute leh zirlai hruaitute bakah a kaihhnawih mi pawimawh dang an tel a ni.