1744/2023-2024

Lunglei the 2nd, September' 2023: Vawiin khan Pukpui, Lunglei  ah darkar 24 chhunga Jumbo Oxygen bur 96 thun theihna Oxygen Plant (filling Station) chu Health & Family Welfare Minister Dr. R. Lalthangliana chuan a hawng.

Hawnna puala inkhawm hi Doctors Seminar, Hall, Civil Hospital, Lunglei ah neih a ni a, inkhawm hi Pi Esther Lalruatkimi, IRS Principal Secretary, Health & Family Welfare Department chuan kaihruaiin Dr R. Lalthangliana chuan Lunglei ah Mizorama  hmasaber atan Oxygen plan (Filling Station) North East Special Infrastructure Development Scheme (NESIDS)  hnuaia cheng nuaih 270. 27 hmanga siam hawn theih ani chu lawmawm a ti a. Mizoram sorkara Health Department a Jumbo Cylinder seichi Oxygen bur ruak Silchar a thun ngai tawh lovin Lunglei a thuntheih  ani hi lawmawm a tih thu a sawi a ni.  He oxygen plant hi Lunglei mai bakah chhimlam District tan a tangkai hle dawn a ni a ti, pawl bik awmlova a mamawh te tan a siam a nih thu sawi a. Kan Health system hi a that loh chuan kan ram hi a thang thei dawn lo a ni ti. Covid hrileng in min tihbuai karah hetiang hmasawnna hmuh theiha awm hi a ropui a covid hrileng hian oxygen hi a hrinchhuah a ni a ti bawk. Sum leh pai ngah mah ila kan hrisel loh chuan awmzia a neih loh thu a sawiin; Khawvelah hian damna leh hriselna hi a pawimawh ber a Doctor leh Nurse te tawngkam hnih khat lek pawh hian damlo a tihdam theih thu a sawi a ni. Lunglei Civil Hospital pawh tihchangtlun mek niin ICU mai bakah naupang ICU te siam niin damlo te tana thil hrang hrang test na Truma Centre hman theih a nih tawh  thu a sawi a ni.

He hunah hian Dr.Vanlaltanpuia, Chairman MYC leh Dr.Pachhunga, Vice Chairman Bamboo Development Board te pawhin thu sawina an nei bawk.

Dr. Lalmalsawmi, Director Hospital & Medical Education chuan report pe in Oxygen Plant (Filling Station) for Southern Mizoram hi North East Special Infrastructure Development Scheme( Ministry of DoNER) Project sum cheng nuaih 270.27 senga siam a ni a, he hna hi VIDUREPL Agency, Guwahati te thawh a ni. He khawl hian darkar 24 chhungin Jumbo Oxygen bur seichi 96 a siam thei a ni.