1743/2023-2024

Lunglei The 2nd September, 2023 : Vawiin khan Zonal Geology and Mining Office Lunglei chu Commerce & Industries Minister Dr. R. Lalthangliana chuan a hawng.

He hun hi Pu Lalhmingliana, Addl. Secretary, Commerce & Industries Department in a kaihruai a, khuallian Dr. R. Lalthangliana chuan thu sawiin Sawrkarin Geology and mining Dept chu a ngaih pawimawh thu sawiin Lunglei bik atan pawh thawktu post 10 chuan a siam nghal thu a sawi a, a kal zelna turah pawh Sawrkar chu a tlanchhe dawn lova, Geologist pawh dah thuai tum a nih thu a sawi.

Minister chuan Dept. lian ni lo mahse an pawimawh thu sawiin sawrkar a an sum lakluh pawh awihawm loh khawpa sang a nih thin thu a sawi a, tunah pawh kum hnih khat chhungin Vaibelchhe 12 chuang zet an thawh chhuahthu sawi langin Zonal Office a lo din hian sum thawh chhuah kawngah  nasa zawka hmasawn a beisei thu sawiin thawh chhuah awm lova, a eiral zawng ringawta ram a kal thin chu bansanin lakluh tam zawk a awm theih nan Zonal Office chu duan a nih thu a sawi a, an pawimawhna hriain sawrkar pawhin Geology and Mining mamawh te chu i he lova pek zel a tum thu a sawi bawk.

Pu Lalthazuala, Director, Goelogy and Mining Dept. pawhin thu sawiin Lunglei Zonal Geology and Mining bikah thawktu 13 awm tura ruahman ni mahse tun dinhmunah a kimin dah theih an la nih dawn loh thu a sawi a, sawrkarah hnathawk thei tura a tul zual tal dah tura ngen niin LMC lam bakah chhim lam District pali te nen pawh thawhhona tha tak neih a duh thu a sawi bawk a ni.

Zonal Geology and Mining Office hawnna ah hian Pu Lawmawma Tochhawng, HPC Vice Chairman, Dr. K. Pachhunga, Vice Chairman, Bamboo Development Board leh Dr. Vanlaltanpuia, Mizoram Youth Commission Chairman bakah Lunglei DC Pi Ramdinliani te pawhin thu an sawi a ni.