Hnahthial-a Independence Day lawmna hmanpui tura kal Health & Family Welfare Minister Dr. R. Lalthangliana chuan Lunglei District a sawrkar damdawiin hrang hrang tlawh in damdawiina thawkte nen inkawmhnona hun a hmanpui.

Health Minister hian August ni 14 khan Pangzawl PHC tlawhin he damdawiina thawkte nen inkawmhona hun tha tak an hmang a, harsatna leh mamawh an neih chi hrang hrang te a ngaihthlaksak a infuihna hun tha tak an hmang a ni, kum 2003 August ni 8 a din tan Pangzawl PHC ah hian tun dinhmunah thawktu 8, Daktawr-1, staff nurse-3, Lab technician-1, Microscopist-1 leh IV Grade-2 an awm mek a ni.

Nimin khan Health Minister hian Hnahthial Hospital a tlawh leh a, District Hospital a hlankai thuai anih theih nan a tul ang ang bawhzui mek anih thu sawiin damdawiin chhung hmun hrang hrang a fang a, Ultrasound room thar ribbon chep chatin a hawng a, hetah hian UPS 5kva dah a ni bawk. Heibakah hian NHM atanga Ambulance thar Hnahthial Hospital hnena pek chu Hospital enkawltute kutah a hlan nghal bawk. Hei bakah hian damlote Independence Duty puala kan nan Rs. 10,000/- a hlan a, hmangaihna Home tan Rs. 10,000/- a hlan bawk, Hnahthial Hospital compound a CMO Office leh quarters sakna tur te, Medical Superintendent Office leh quarters sakna tur te a en bawk a ni.

Hnahthial a tlawh hnu hian Lunglei Civil Hospital a tlawh leh a, hetah hian a thawktute nen inkawmhona hun hmangin Minister chuan Health Care Scheme thar kalpui turin inpeihfel tep anih thu a sawi a, private hospital a inenkawlna senso pawh awmze nei zaweka khairual anih theih nan hmalak anuih thu leh private hospital neitute nen indawr mek anih thu a sawi.Lunglei Civil Hospital hi kum 1900 a din niin tunah hian khum 160 a awm a, ward hrang hrang 14 leh cabin 6 a awm a ni.Lunglei Civil Hospital OPD ah hian chawhryalin thlatin mi 10000 vel aninentir thin a, naupiang hi thla tin 70-90 an awm thin a ni.Health Minister hian Independence Day pualin damlo kan nan Lunglei Civil Hospital tan Rs. 20,000/- a hlan a, John William Hospital tan Rs. 10,000/-, Chjristian Hospital serkawn tan Rs. 10,000/-, Faith Hospital tan Rs. 10,000/- Hope Hospital tan Rs. 10,000/- a hlan a ni.

Lunglei Civil Hospital a tlawh zawh hian Health Minister chuan Haulawng PHC a tlawh leh a, thawktute nen inkawmhona hun tha tak hmaning harsatna leh mamawh hrang hrang bakah a chinfel dan tur te an sawiho a ni. haulawng PHC hi kum 1988 khan din a ni a, tun dinhmunah he PHC hian khaw 10 bialin chhungkaw 6285 a awm a, Sub Centre 4 leh sub centre clinic 2 a awm a, Medical Doctor-2, Staff Nurse-3, Pharmacist-1, Laboratory Technician, X-ray Technician, Microscopist pakhat theuh, IV Grade staff 3 leh thawktu dang 3 an awm a, PHC building thar tunaa an luah mek hi August ni 16, 2018 a hawn a ni.