Government of India, Ministry of Finance chuan ni 8.11.2017 khan Grant to Excluded Area Rs. 4,544.00 lakh chu Indian Constitution Part IX leh IXA in a huam loh Mizoram a VC-te tan a sanctioned a. He sum dawngtu tur hi Sawrkar laipui lehkha atang hian a chian mai loh avangin, Mizoram Sawrkar Local Administration Department chuan Ministry of Finance-ah clarification an zuk dil a. Government of India (Ministry of Finance) chuan Mizorama 6th Schedule pawna Village Council-te chanpual anih thu an rawn ti chiang ta a. Chumi hnuah, Chief Secretary kaihhruaina in High Level Committee chuan sum sem dan tur a rel fel a. Department lamin sanction a dil a, amaherawh chu, Mizoramah MLA inthlan leh MP inthlan neih a nih avangin Model Code of Conduct hman a ni a, chumi chhungin Excluded Area Grant hi khawih chet theih loh in dah rih a ni a. Sanction hmuh anih hnuin Bill hi Treasury ah ni 5.3.2019 khan thehluh a ni. Kar hnih hnuah chuan lak mai theih tura ngaih a nih avangin, Hon’ble Minister LAD chuan Village Council Conference ah pawh kar hnih hnu velah chuan sem mai theih a rin thu a lo sawi tawh a. Amaherawhchu, hetiang sum tam tham hi Treasury in a lo pass mai thei lo a, Sawrkar kum tawp alo nih avangin ni 30.3.2019 ah K-deposit ah dah leh rih a ni a. Chuvangin, Village Council-te hnenah sem mai theih a ni ta lo a ni.

Excluded Area Grant hmang tur hian Village Council te chuan Gram Sabha kovin hnathawh tur an thlan fel a ngai a, chu chu a hmunah DLAO-ten an enfel vek hnuah Department-in a lo thlir ve leh a. Hna te hi VC zawng zawng huap anih avangin a en fel chhung pawh a rei lo thei lo a, enfel tawh te chu technical sanction leh administrative approval pek tura buatsaih a ni.

Tunah hian Rs. 4,544.00 lakh atangin za a sawmli (40%) Rs. 1,817.594 lakhs chu Village Council-te account a thun turin tihfel mek a ni a, tunah hian pawisa hi DLAO-te Account-ah thun fel vek ni tawhin, a bak 60% pawh hi release turin Sorkar dil leh mek a ni.