Health & Family Welfare, Higher & Technical Education leh Commerce & Industry Minister Dr.R.Lalthangliana chuan Central Ministry hrang hrang a dawrkual hnuin December Ni 18, 2019 (Nilaini) khan a US pan. US-ah hian Mizoram tana thil pawimawh tak tak sawipui tur a an rawn sawm angin United Nations for AIDS (UNAIDS) te, JHPIEGO te leh World Bank Headquarters te a tlawh dawn a ni.

Washington DC-ah hian UNAIDS hotute nen Mizorama HIV/AIDS dona kawnga thawkho a hmalakna tur kawng zawng turin an inbe dawn a. Washington-ah vek hian World Bank hotute nen hriselna lama infrastructure kan mamawh tihchangtlunna tur sum phuhruk theihna atan a sawrkar hmalak mekna te leh tul dang pawimawh te a sawipui dawn a.

Minister hian Baltimore, Maryland-a hmunpui nei, Mizoram sawrkarin thawhhona a neih pui mek, JHPIEGO hotute pawh a hmu dawn a ni. Heng bakah hian Ayushman Bharat hnuaia PHC leh Sub-centre te tichangtlung a Health & Wellness centre din mek kalpui zel dan tur te, mi zawng zawng tan a hriselna kawnga remchanna siam nan a hma lak zel dan turte a an sawiho dawn a ni.