Vawiin ni 18th December 2019 khan Prof Laltluangliana Khiangte lemchan bu ziah Hmangaih Lungdi (Lemchan Khawvel -3) na chu Synod Conference Centre Aizawl ah tlangzarh a ni a. He lehkhabu tlangzarh programme hunserh hi Rev C. Rosiaman hmangin, he lehkhabu ziaktu Prof Laltluangliana Khiangte chuan inlawmna thusawi pah lehkhabu a buatsaih dan sawiin heng lemchan pathum te hi India ram khawpui hrang hrang pali a ziah a nih thu leh he lehkhabuah hian lemchan pathum Lalziki leh Vangthanga, Zawlpala leh Tualvungi, Ralhneha leh Darmawii te chuangin mithiam Mizo Department, Mizoram University a zirtirtu Lalsangzuala, Lalzarzova leh F. Lalzuithanga, Govt. Aizawl North College a Mizo zirtirtuten thlirlawkna hun an hmang bawk.

He hunah hian Dr. Vanlaltanpuia MLA & Chairman, Mizoram Youth Commission chu khuallian a ni a. Khuallian Dr. Vanlaltanpuia chuan he lehkhabu tlangzarh paha thusawiin Mizo ten thil tak tak ti turin data tha mamawh a nih thu te, thalai rual zirbing mite, ziakmite leh academician te chuan data tha policy siamtu tur te tana siam a pawimawh a tih thu a sawi a. Khuallian chuan Mizo thlaiten India ram zirna elpha ve tur chuan Saptawng thiam a ngai a, Mizo tawng pawh thiam tho a ngaih rualin Sap tawng thiam tak tak a ngai bik a ni, a ti a. India rama thalai rual lehkhathiam te imelna UPSC ah pawh Mizo thalaite an tlin chhoh ve zung zung theih nan thalaite theih tawpa tan a ngaihthu leh India ram zirna leh UPSC exam ah hian Mizo thalaite an tlawm tan ta niin a hriat thu te, Mizo thalai talent nei tha tak tak te hi awmze nei a an talent haichhuak tura sawrkarin tan a lak chhoh zel dawn thu a sawi bawk a ni. Khuallian Dr. Vanlaltanpuia chuan ziakmite chu tum aia nasal eh zuala tan la tura fuihin thu ril leh thuk ngaihtuah a ziak thin turin a sawm bawk a ni.