Vawiin khan DC Conference Hall, Mamit-ah Dr. Lalrozama, IAS, District Bawrhsap hovin Mamit-a India Republic Day, 2020 hman dan tur rela thutkhawm a ni.

India Republic Day, 2020 chu GSA Playground, Mamit-ah hman nise tih a ni a. He ni pual hian Police Student Cadet Contingents 2 nen Parade Contigents 17 te'n hnam puanzar chibai buk tura beisei a ni a. VIP At home hi DC Bungalow-ah neih tura ruahman a ni bawk.

Meeting-ah hian Republic Day 2020 hmanna tura mawhphurhna chanvo hrang hrang inpek niin an chanvo theuhte chu theihtawpchhuaha tihhlawhtlin ngei tum turin Meeting chuan a ngen a. Hei bakah hian Republic Day 2020 hlawhtling taka hman anih theih nana hmalakna hrang hrangte enzuitu tur Technical Committee, Addl. DC Chairman-na hnuaiah din nghal a ni.

Meeting- hian Republic Day 2020 hmannaah hian Mamit khawpui chhunga Sawrkar hnathawk zawng zawngte bakah mipui a tam thei ang ber an tel theih nan tlangau hmanga mipuite hriattir nise an ti bawk.

Mamit-a India Republic Day, 2020 hman dan tur relnaah hian Mamit khawpui chhunga Head of Offices, tlawmngai pawl hrang hrang aiawh, khawtlang hruaitute bakah thutharthehdarhtute an tel a ni.