Vawiin hian New Delhi a cham mek Dr.R.Lalthangliana, Minister, H&FW, H&TE leh Commerce & Industries Deptt chuan Health Ministers’ Conference an hman zawh hnuin Ministry hrang hrang a dawr kual nghal a. Official pawimawh tak te hmuin Mizoram mamawh te a sawipui hlawm a, a tlangpui te chu:

1.      Ministry of Petroleum a Director General leh official dang pawimawh ten nen inhmuin Mizoram a oil leh gas hausakna awmze nei leh uluk zawk a hma la turin a thlen a,an ni pawhin theihtawp chhuah an lo chhuah an inhuam thu an sawi.

2.      MZU hnuaia teaching faculty leh staff dangten HRA 10% an lak chu North east states leh NEHU a thawk te ang a 20% an lak nih theihnan a thu kal lai mek chu tih hma a nih theih nan a thlen a.

3.      MZU Southern Campus Lunglei a din na tur proposal thehluh tawh pawh chak zawka hma laksak turin a ngen.

4.      MZU Convocation a Union HRD Minister Chief Guest tura kan chah chhuah ngei theihnan a sawipui a. CSS Hindi zirtirtu 1000 chuang rawihna tur atan a rang thei ang bera tihhlawhtlinsak turin a thlen a.

5.      Kawrpuichhuah, Zokhawthar, Zochachhuah-a border trade kalpui tihchangtlun na tur te, Mizoram hmun thenkhat a border haat a rang lama siam a nih theihnan a high level team te hmun ngei a kal a rawn enfiah turin a ngen bawk.

6. Ministry of DoNER a official pawimawh te hmuin H&FW leh H&FW department proposal in chiah mek te chak zawka tih hlawhtlin a nih theihnan a ti ti pui a. Tin, Industry tih hmasawnna kawng khat atan tunhnai remchang ah Interactive workshop Aizawl a buatsaih dan tur te a sawipui.