Mihring te natna tlanglawn leh thisen a tanga natna en theihna khawl changkang leh awlsam tak Mobile Health Care System chungchang zirhona vawiin khan CM Conference Hall ah Health Minister Pu Lal Thanzara hovin neih a ni .
He hun ah hian Public Health Foundadtion of India( PHFI ), New Delhi atanga lo kal Dr. Sunil S Raj DCH MD,MPH,MRCP ( UK ) chuan Swasthya Slate ( Mobile Based Health Care System) hmanrua chu Power Point Presentation hmangin a hrilhfiah. Pu Lalrinliana Fanai, IAS, Commissioner Health Department, Pu C.Lalhmachhuan, ITS leh Health Department a hotu leh officer te meeting ah hian an tel ani.
Khawvel changkanna in a ken tel Information & Technology thang mek chuan Mizo Mipuite pawh min hrut tel ve zel a, kawng tam takah awlsamna leh tangkaina pawh a ken tel na ah Health Department tana hmasawnna tur leh mipui te tan pawh a chhenfakawm tak tak a rawn chhawpchhuak ani tiin meeting kaihruaitu Pu Lal Thanzara chuan Mobile Health Care System chungchang a sawifiah a. PHFI ten an rawn ken (demonstrate) Swasthya Slate - Mobile based Health Case System chu tunah Health Department lam mithiam te nen zirho mek tur anih dan leh tangkai a sawt tur anih chuan Mizoram tana la ngaihtuah anih dan tur a sawi a. Hman tlak leh rintlak anih chuan a tangkai dawn em em a, Damdawi In hnai awm loh na ah pawh Doctor te chuan he khawl leh hmanrua hmang hian Damlo te natdan hrang hrang chu an check in eng natna nge tih hmunpui pan kher ngai lovin an hre thei tawh dawn ani a ti .
Dr Sunil S Raj chuan he khawl hi Mobile Phone anga hman theih anih dan leh natna hrang hrang a bik in heng natna tlanglawn Zunthlum,BP Sang, Hepatitis leh a dang dang te endan a hrilhfiah a. He khawl pakhat man hi Cheng Singli bawr vel niin India ram hmun hrang hrang Delhi, Bhubaneswar,Hyderabad leh hmun dang dang ah te hman mek a ni tawh a.PHFI te nen a thawhdun na partnership hi March 28,2006 khan New Delhi ah khatih laia Prime Minister Dr. Manmohan Singh ten an lo ziak tawh a ni.
