No.3713/2021-2022

Aizawl, 18th January, 2022 : Vawiin khan Higher and Technical Education Minister Dr. R. Lalthangliana hovin a pisa-ah Lengpuia National Institute of Technology ram buai vanga hmaklakana khaihlak reng chinfel dan tur sawiho a ni a. Higher & Technical Education, Environment, Forests & Climate Change department leh NIT Mizoram hotute an tel a ni.

Minister Dr. R. Lalthangliana chuan NIT Mizoram Campus, Lengpui chu Zoram, thangtharte, kan tu leh fate tana rotling tur leh hlu tak a nih vangin a nih tur ang taka rang taka puitlin tir hi kan tihmakmawh a ni a, hemi kawnga tangkai tur sawrkar department zawng zawngte pawhin a hlawhtlin nan harsatna awm thei zawng zawgte pawh Mizoram dah hmasa chunga tun aia nasa lehzuala hma kan lak pawimawh hle a ni a ti a, engtikawng zawng pawhin tihhlawhtlin hi kan tum tur a ni, a ti.

Vawiin meetingah hian NIT, Mizoram Campus, Lengpui-a mi chu riverine forest reserve area a nih vanga forest clearance dil a ngaih vanga hmalak ngaite sawiho a ni a, Forest Clearance dilna nikum November thla a Higher & Technical Education department in an thehluh tawh chu a concerned department lamin bawhzui chak se an duh thu sawi lan a ni.

Minister chuan NIT Mizoram chu Mizoram rohlu tur a nih avangin a hlawtlinna tura theihtawp chhuah hi kan bat a ni, a ti a. EF&CCC department, Higher & Technical Education department, leh NIT te chu tun kar chhunga dawhkan khat kilho a thukhawm turin leh harsatna awm theite chingfel zung zung turin a hrilh a ni.

PCCF Pu Jitendra Kumar pawhin NIT ram riverine fortest reserve hnuaia a awm chinfel chungchang chu a ngaih pawimawh thu sawilangin, Mizorama a rawn awmna a la rei loh thu a sawi a, Minister-in thahnemngai taka a kokhawm chu thil lawmawm tak a ni, a ti a. Theihtawp chhuaha Mizoram rohlu tur a hlawhtlin theihnan tan lak a tum tih a sawi a, tunkar chhunga a concerned department te nen Minister duh dan ang ngeia chinfel ho dan tur zawn a chu tha a tih thu a sawi bawk a ni.

NIT Mizoram hi kum 2010 atangin Chaltlang, Aizawl ah mimal building luah hawhin bul tan a ni a, tunah hian Academic Department paruk (6) a awm a:-

1. Electricals & Electronics Engineering.
2. Electronics & Communication Engineering.
3. Computer Science & Engineering.
4. Mechanical Engineering.
5. Civil Engineering.
6. Basic Sciences, Humanities & Social Sciences.

Tun dinhmunah NIT Mizoramah hian zirlai 670 awmin zirtirtu 25 an awm a, Non Teaching Staff 18 an awm bawk a ni.

Vawiin Meeting-ah hian Pu Jitendra Kumar Principal Chief Conservator of Forest, Environment, Forest & Climate Change Department, Pu Lalrinsanga, Addl. Secretary Joint Secretary, Deptt. of Higher & Technical Education, Pi Lalthanchami Sailo, Registrar, NIT leh Pu MZ Singson, DCF (FC) , Environment, Forest & Climate Change Department an tel a ni.