No.491/2020-2021
Health & Family Welfare Minister Dr. R. Lalthangliana hovin vawiin khan Secretariat Conference Hall, MINECO ah sawrkar hotu pawimawh ten Medical Operational Team in Mizoram hmun hrang hrang an tlawh report an thlirho.
Medical Operational Team hian an chairman Dr. Z.R.Thiamsanga, MLA hovin Team 4 ah in thenin April ni 1-, 2020 atanga April ni 18, 2020 tleng khan district panga – Mamit, Kolasib, Saitual, Khawzawl leh Champhai an tlawh a, khaw hrang hrang 40 chuang tlawhin ramri ah border check post te an tlawh a, heng an zinchhuah a an thil zirchian zingah hian an kal chinah chuan District Hospital, Primary Health centre (PHC) leh Community Health Centre (CHC) te COVID-19 hmachhawn tura an inpuahchahna a tha thawkhatin an hria a, thawktute pawh training pek that zel a pawimawh tih an sawi. Hmun hrang hranga Quarantine Facilities te tih len tul a an hriat thu leh ramri a vengtu leh damdawi lam thawktu dah belh bakah ramri vengtu police leh Village Level Task Force (VLTF) te harsatna tawh leh mamawh chi hrang hrang chungchangah rawtna engemawzat an siam a ni.
Vawiin thukhawm hian ramri vengtu sipai dah belh dan tur te ngaihtuahin a theih ang anga hmalak an rel a, Medical Operational Team-in ruihlo ngai damdawi zawnga ramri kan hi kil tinah an awm avangin hemi ven hi thil hautak tak a nih bakah ruihhlo ngaite khuahkhirh a pawimawh a ni tih an sawi chu uluk taka ngaihtuah a ni a, Health Department, Social welfare Department leh Home Department nen pawh uluk zawka ruahmanna siam tul a hriat niin Social Welfare Department hotute chuan Sethawn-a ruihhlo ngaite enkawlna hmun chu a tul anga hman theih turin ruahmanna siam mek a ni tih an sawi a ni.
Police hotute pawhin ramri ah VLTF 198 an duty thu leh Mizoram Police pawh ramri hmun 143 ah an duty mek thu an sawi a. Police ramri a duty hi mi 700 bawr vel an nih thu sawiin an in dah belh mek zel tih an sawi a. Tripura ramri, tunhnaia buaina kan tawh mekna hmunah pawh police company khat duty turah tirh belh mek an nih thu an sawi.
Ramri a duty, a bikin VLTF te hriselna leh taksa tih chak bakah ei leh in tur mumal taka pek an mamawh zia hria in an mamawh ang te awlsam zawka pek dan tur pawh ngaihtuah niin Supply department hotuten ruahmanna an siam dawn a, hmun kilkhawr zawk mobile phone signal awmlohna hmuna duty VLTF te hman tur radio communication system pawh a tul anga ngaihtuah a ni dawn a ni.
Heng bakahn hian mipuiten pawn an chhuah a hmai tuamna (mask) an vuah zel a pawimawhzia uar zawka mipuite hrilhhriat a tul thu leh Mizoram luhka hmun pawimawh ah te Thermal Camera dah a tul zia te sawi a ni a, a tul angin hma lak zel a ni ang.
Vawiin thutkhawmah hian Medical Operational Team Chairman Dr. ZR Thiamsanga, MLA, Chief Secretary Pu Lalnunmawia Chuaungo bakah Home, Health & Family Welfare, Supply, Social Welfare leh DM&R department hotute an tel a ni.
Close Menu
HomeWho's WhoDirector's MessageOrganisation Chart
About Us
Mizoram
Mizoram House & Guest House
Govt. Heads
Acts & Rules
Govt. Holidays
Tender & Advertisement
Hand Holding Policy
Important
Government of Mizoram
Government of Mizoram
Page Links: https://dipr.mizoram.gov.in/post/health-minister-hovin-sawrkar-hotu-pawimawh-ten-ramri-vengtu-local-task-force-te-leh-police-te-chhawmdawl-dan-tur-sawihop
HEALTH MINISTER HOVIN SAWRKAR HOTU PAWIMAWH TEN RAMRI VENGTU LOCAL TASK FORCE TE LEH POLICE TE CHHAWMDAWL DAN TUR SAWIHO
INFORMATION & PUBLIC RELATIONS DEPARTMENT
SITE STATISTICS SINCE 2006
Total Visitors
15,81,335
Total Pageviews
16,02,561
Powered By Google Analytics
PRESS RELEASE ARCHIVES

Official website for : DIRECTORATE OF INFORMATION & PUBLIC RELATIONS
Powered by SENHRI
A Content Management System provided by
Department of Information & Communication Technology, Government of Mizoram
Compatible with all modern browsers. Best Screen Resolution to view: 1280x1048
Powered by SENHRI
A Content Management System provided by
Department of Information & Communication Technology, Government of Mizoram
Compatible with all modern browsers. Best Screen Resolution to view: 1280x1048