Health Minister Pu Lalrinliana Sailo chuan District hrang hranga Hospital awm te hi khum 100 awm theihna ah upgrade vek an ni dawn a, District Hospital sakna tura sum lokal leh hmasa ber chu Serchhip Hospital saknan hman a ni ang a ti. He thu hi Inrinni a Khawtetlang Field-a Independence Day lawmna i nkhawm ah sawiin Health Minister chuan Mizoram sawrkar, Pu Lal Thanhawla kaihhruai chuan Zoram mipuite dinchhuahna turin theihtawp a chhuah zel dawn a, NLUP pawh hlawhtling taka kalpui tum mek a nih thu tarlangin sawrkar hmalakna leh hmachhawp hrang hrang a tarlang bawk.
Khawtetlang Field-a Independence Day hmanna ah hian khua in a zir lo hle nachungin mipui, zirlai leh sawrkar hnathawk te an kal tha hle a, March Pass Parade Contingent pawh 26 zet awmin Serchhip-a Parade Contingent tam ber tum a la ni a, Khuallian, Health Minister hian Hnam Puanzar pawtpharh in Parade chibai a chhanglet a, thu a sawi zawhah March Pass a pakhatna Marian High School, pahnihna CV Residential School leh pathumna Ramlai Middle School bakah Parade Contingent zawng zawng te hnenah lawmman a hlan a, chumi hnu ah I-Day Badminton DC’s Running Trophy a ti tha te hnenah lawmman a sem zui lehnghal bawk.
Chhun dar 12:00 ah DC’s Bungalow ah sawm bikte pualin Minister’s AT Home buatsaih a ni a, hemi hnu hian Health Minister hian Serchhip Hospital tlawhin damlo kan nan cheng 10,000/- a pe a, Ambulance Rs. Nuai 30 chuang man leh tui dahvawhna leh Filter inkawp nghal - Cooler tha tak pakhat a pe bawk, CMO Office Building sak thar a tlawh bawk. Chumi hnu ah MHIP Drop-in-Centre leh Serchhip Bazar Building te a tlawh leh a, Bazar Building chhawng chung step siam dan tur a enpui bawk.
Chhun dar 12:00 ah DC’s Bungalow ah sawm bikte pualin Minister’s AT Home buatsaih a ni a, hemi hnu hian Health Minister hian Serchhip Hospital tlawhin damlo kan nan cheng 10,000/- a pe a, Ambulance Rs. Nuai 30 chuang man leh tui dahvawhna leh Filter inkawp nghal - Cooler tha tak pakhat a pe bawk, CMO Office Building sak thar a tlawh bawk. Chumi hnu ah MHIP Drop-in-Centre leh Serchhip Bazar Building te a tlawh leh a, Bazar Building chhawng chung step siam dan tur a enpui bawk.
