Industries Minister Pu S. Hiato chuan vawiin khan Industrial Estate, Zuangtui a tlawh a, Minister hi a thiannu bakah Industries Parliamentary Secretary Pu H. Zothangliana, Bialtu MLA Pu R. Lalrinawma, MLA Pu Robiaka leh Industries Department Secretary leh officials engemawzatin an tawiawm a ni.
Minister chuan thusawiin industry hmasawnna apiang ram chu a changkang thin a, Mizoram chu state pakhat mai nimahse sorkar chuan industry ti hmasawn turin theihtawp chhuah a tum a ni, a ti. Central emaw state atanga subsidy dawng a, hnathawk tak tak te chu sorkar pawhin chhinchhiahin tanpui a phur a, than chho tir a tum zel ang, a ti bawk. Food Park siamna turin central sorkar-in cheng vaibelchhe 65 a dah hran sak thu sawiin Minister chuan hemi atana scheme siam a, thawh tak tak a ngai dawn a; phai lam thil ringawta kan innghat lutuk chu tih reh a ngai a ni, a ti. Sorkar tharin NLUP kalpui a tum dan sawilangin Minister chuan Chief Minister kaihhruaina hnuaiah NLUP viltu tur Board pawh din a nih tur thu a sawi. Sorkar hmalakna tihlawhtling tur chuan mipuite sorkar tha tichak leh thurawn pek a pawimawh a, Mizote pawisa duh dan dik tawh lo lutuk chu siamthat a tul bawk a ni, a ti. Zuangtui Industrial Estate-in tui lama harsatna an tawk thin chungchang sawiin Minister chuan cheng vaibelchhe 176 hmanga tuna Aizawl Water Supply Scheme thawh mek chu a zawh fel hunah tui pek lamah harsatna a awm tawh loh tur thu a sawi a ni.
Zuangtui Industrial Welfare Committee chuan Minister lawmna inkhawm an buatsaihah Minister hnenah he hmuna industry hrang hrang atanga an thil siam chhuah an pek bakah Chief Minister’s Relief Fund atan hetiang hian tanpuina an hlan a ni : Industrial Estate Welfare Committe - Rs.2000/-, MCM Handloom Industry - Rs.2000/-, MCM Steel Poles Industry - Rs.2010/- leh Mizoram Cotton Mills - Rs.10,000/-. Industry hrang hrang aiawhten an harsatna leh mamawh an sawichhuahte chu Minister-in theih tawpa a lo bawhzui tur thu a hrilh bawk.
Minister chuan Industrial Estate-a Quality Wires Industry leh Industry dangte a fan bakah Ch. Chhunga Bus Terminal building-a ZIDCO enkawl mek Call Centre chu a tlawh nghal bawk a ni.
Zuangtui Industrial Welfare Committee chuan Minister lawmna inkhawm an buatsaihah Minister hnenah he hmuna industry hrang hrang atanga an thil siam chhuah an pek bakah Chief Minister’s Relief Fund atan hetiang hian tanpuina an hlan a ni : Industrial Estate Welfare Committe - Rs.2000/-, MCM Handloom Industry - Rs.2000/-, MCM Steel Poles Industry - Rs.2010/- leh Mizoram Cotton Mills - Rs.10,000/-. Industry hrang hrang aiawhten an harsatna leh mamawh an sawichhuahte chu Minister-in theih tawpa a lo bawhzui tur thu a hrilh bawk.
Minister chuan Industrial Estate-a Quality Wires Industry leh Industry dangte a fan bakah Ch. Chhunga Bus Terminal building-a ZIDCO enkawl mek Call Centre chu a tlawh nghal bawk a ni.
