2277/2026-2027

Dated Aizawl, the 18 September 2026: Vawiin khan Health & Family Welfare Department changtu Minister Pi Lalrinpuii hovin a office chamber, MINECO-ah, Health and Family Welfare Department, LAD leh RD&A department hotute leh All Mizoram Village council Association Office bearers te chu, TB umbo nana thawhhodan tur relin an thukhawm.

Thutkhawmnaah hian Health & Family Welfare Department changtu Minister Pi Lalrinpuii chuan thusawiin, TB Free Mizoram neih tur chuan khaw tinte TB Free an nih zet a tul tih a sawi a. TB vei a tam thei ang ber hmuhchhuah a, chumi rual chiaha inkai loh tura TB venna (TB Preventive Therapy) a tam thei ang ber pekte chu tihmakmawh a ni tih a sawi a. Minister chuan TB vei awlsam zual: Zunthlum nei, meizu leh zu in mite, kum upa leh chaw tha mumal ei tur neilote chu a tam thei ang ber test a endik a pawimawh thute sawiin, heng hmalakna zawng zawngah hian Village council ten theihtawp an chhuah chu a kawng hmasa ber pakhat a nih thu a sawi a. mahni zawn theuhah theihtawpa hma lo la zel turin kalkahwmte chu a ngen nghal a ni.

Vawiina thutkhawmnaah hian Dr. Zochhuanawmi, State TB Officer chuan TB programme performance report pein, Village council-te nena thawhhodan tur ruahmanna awmte a tarlang nghal bawk a; hengte hi kalkhawmte chuan an sawiho nghal a ni.