793/2023-2024

Aizawl, the 14th June 2023 : Mizoram State AIDS Control Society (MSACS) leh Association for Voluntary Blood Donation (AVBD) te buatsaihin vawiin June 14, World Blood Donor Day chu Dawrpui Multipurpose Hall-ah hman a ni a. Health Minister Dr. R. Lalthangliana chu khuallian a ni.

Kum 2022 April - March 2023 inkar hian thisen unit 37419 Mizoram pumah pek a ni a. Mahni duhthu ngei a thisen pek (Voluntary Blood Donation) hi Unit 34252 a ni a. Individual donor in unit 10744 kan pe bawk a ni. VBD % hi 91.54% a ni.

Khuallian Health Minister Dr. R.Lalthangliana chuan khawvel thiamna in a siam chhuah theih loh thisen hlu tak, a thlawna pek chu hmangaihna, lainatna lan chhuahna a ni, tiin a thlawna thisen pe thinte chu chawimawi an phu a ni a ti a. Kumin World Blood Donor Day thupui “Give Blood, give plasma, share life, share often” tih chuan a mamawhte hnena thisen pek uar leh mihring nun chhan nana thisen hlutna a keng tel a ni a ti a. Mizo te hi midang te tana inpe, tlawmngaihna thuk tak nei kan ni a, kan Kristian na nen pawha inhmeh em em niin, midangte tanpui leh mamawhte hnena inpekna nun nei kan ni a ti a. Heihian nun a ti nuamin, kan nun kalkawng a ti zangkhai a, thisen pek hi a pe tu tan a uihawmloh ti hre tharin, a dawngtu tan nun chhanhimna a ni tih inhrilh fo turin a ngen a. Minister chuan Association for Voluntary Blood Donation hmalakna avangin a thlawna damlo te tan thisen pek pawimawhna hi mipui rilru ah a tla na tial tial a ni, a ti a. Thisen pek pawimawhna leh mi hrisel pangngai tan a hlauhawm lo tih thalai ten an hriat zau zel na turin World Blood Donor Day hmanga lo kal zirlaite chu midangte tih hmuhtu atan tang turin a chah bawk a ni.

Pu Lalrinkima, General Secretary, AVBD hnen atangin report ngaihthlak a ni a, vawiin ni a kal khawm pawl hrang hrang hruaitute, zirlaite leh zirtirtuten thisen pek chungchangah ngaihtuahna seng sak chhunzawm a thisen vawi khat a pe teuh lovin pek ngun/pek zin tum thar turin a ngen a. AVBD pawh hian kum thar ah chuan thisen pe tute chawimawi dan thar a duan a tum thu leh June thla hi sawrkar chuan Remna ni pual a thisen pek runpui thla ah a puang a ni tiin a sawi bawk a ni.

Kum 2023 Annual Blood Donor Awards hi category hrang hranga thenin heng pawl hrang hrang te hnenah hian hlan a ni:

Mizoram Pum Category :

1. National Service Scheme, Mizoram

2. Kristian Thalai Pawl

3. Mizoram Thalai Kristian Pawl

Religious Category :

1. Central Kristian Thalai Pawl

2. Aizawl Area TKP Co-ordination Committee

3. Youth Evangelical Front

YMA Category :

1. Chanmari West Branch YMA

2. Aibawk Branch YMA

3. Dawrpui Vengthar Branch YMA

NSS (College) Category :

1. PachhungaUniversity College, NSS Unit

2. Govt. Hrangbana College, NSS Unit

3. Govt. Aizawl College, NSS Unit

NSS (Higher) Category :

1. Synod Higher Secondary School, NSS Unit

2. Govt. Zemabawk Higher Secondary School, NSS Unit

3. Helen Lowry Higher Secondary School, NSS Unit

Miscellanous category :

1. Mizo National Youth Front

2. Mizo Chelsea Supporter Club

3. Mizoram Gurkha Youth Association

World Blood Donor Day programme hi Pi Betsy Zothanpari Sailo, Additional Secretary in a kaihruai a. Dr. Lalthlengliani, Project Director, MSACS in World Blood Donor Day chungchang leh a thlawna thisen pek kawnga Mizoram dinhmun leh hmalakna tlangpui report a pe a. He hunah hian thisen dawngtu(recipient) Np. Lalneihkimi aiawhin a pa Pu Vanneihtluanga, Durtlang Leitan hnen atangin testimony ngaihthlak a ni a. Thisen petu (donor) Pu RL Thanhmuna, Chanmari West leh Pu Fredy Lalrindika, Khatla East hnen atangin testimony ngaihnawm tak ngaihthlak a ni a. Dr. Zoramthanga, Medical Superintendent, CHA chuan lawmthu sawiin he hun hi a khar a ni.