Health Minister Pu Lalrlnliana Sailo chuan a bial chhunga Chalrang leh Chawngtlai khua te Vangpui lawm hmanpuiin a pianna Lungtan khawtlangin amah an chawlmawina hun an buatsaih chu a hmang nghal bawk.

Tunkar thawhtanni atang khan a bial (Tuichang Constituency) fangin thawhlehni khan Chalrang khua Vangpui lawm a hmanpui a. Nimin (Nilaini) khan a pianna khua Lungtan khawtlangin an chawimawina hun hmangin Pu Lalrinliana hian an khawtlang lungrualin a phuloh chawimawina ropui tak an hlan chu lawmawm a tih thu leh Lungtan khaw mipuite Mizorama khaw huaisen an lo nih tawhna chu amah ngei pawhin vawng nungin a huaisenna leh tumruhna avanga vawiina a dinhmum pawh hi thleng thei a nih thu a sawi.

Health Minister chuan khawtlanga sualna chi hrang hrang punlun chho mek chu a enghelh thu tarlangin heng nun khawlohna chi hrang hrang - HIV+, tualthahna, pawngsual leh rukruk te a ziaawm theihna tur leh mipuite thlamuang taka kan khawsak za theihna turin mimal tinin kan theihna tlang theuhah hma kan lak a tul a ni tiin thalaite chu nu leh pate rilru tina lo tur leh khawtlang lungrualna leh malsawmna thlentu ni a, a tichhetu ni lo tura fimkhur turin a fuih nghal a ni.

Minister hi zirtawpni hian Chawngtlai Vangpui lawmnaah telin lehin inrinni ah Khualen a tlawh leh ang a. Thawhtanni ah Khawhai High School hawnna inkhawm a hmang leh ang a, Khawhai atang hian a tuk thawhlehni ah Aizawl panin a hawng ang.