Assam Rifles (AR)  leh Mizoram Football Association (MFA) tangkawpin a buatsaih ‘CAPF K Kawla U-19 Talent Hunt Football Tournament  Mizoram 2017’ kharna hun chu Nimin tlai khan Health Minister Pu Lal Thanzara’n Khuallian niin a hmanpui.

Pu Lal Thanzara chuan CAPF K. Kawla under 19 football tournament buatsaih ani chu lawmawm a tih thu a sawi a. Hemi atana Assam Rifles  leh Mizoram Football Association  te thawh hona chu fakawm a tiin,  Assam Rifles te chu an thupui ‘ Friends of the Hill People ( Tlang mite thian) chhawmnung tlat thintu te an ni, a ti.  Tunhnaia  Mizoram-in football in el na  hrang hrang  heng; Hero i-leaque , National Sub Junior  leh National Junior a hlawhtlinna a chan te  chu tarlangin, hemi kan thlen theihna bul ber chu Pathian a ni a, chumi piah lamah chuan rimtaka thawk thin, hotu chan changa  football hmangaihtu district tin ami te leh  thalaite phochhuahna atana buatsaih thin football tournament-te hi an awm a ni , a ti. Pu Lal Thanzara  chuan mizote hlawhtlinna chu India mai ni lovin khawvel ram dang te pawhin an hriatpuia, FIFA  President pawhin  Aizawl FC hlawhtlinna  chu  lawmpuina thu a thawn thu leh MFA Hony. Secretary Pu Lalnghinglova Hmar, AIFF Executive Member nibawk chu India aiawh in FIFA Congress-ah  a tel thu pawh a sawilang a ni.  Pu K.Kawla chu mizo mipuite min chawisangtu, India rama goalkeeper awm tawh te zinga ropui berte zing a mi a ni a, a hminga talent hunt buatsaih ani hi a phu ve reng a ni, Minister chuan a ti. Pu Lal Thanzara chuan football players te chu Mizo kan nihna hrereng chungin taimakna, tumruhna leh insumtheihna te neia  hmalam pan zel turin a fuih nghal a ni.

Chief Minister Pu Lal Thanhawla pawhin he hun hi tul bik thil dang avangin hmang thei lo mahse hetiang ang talent hunt Ministry of Home Affairs, Assam Rifles leh MFA hotu te’n an huaihawt thei chu a lawmpui a. Mizoram State hminga  North East Zonal football tournament-a khel tur team te  pawh tha taka an khelh zel  theihna atan leh India mai ni lovin khawvel ram dang thlengpha  hlawhtlinna chang ngei  thei turin duhsakna a hlan a ni.

Tournament khelh zawh takah hian Mipa bikah Lunglei District-in Champhai District  3-2 a hnehin  an championa, hmeichhe lamah erawh Kolasib District 8-0 a hnehtu Aizawl District an Champion ve thung a ni. He hunah hian  tournament pumpuia position tina titha bik te  leh police mite zinga sports lama mi hmingtha thlan bik mi 15 hnenah lawmman hlan a ni bawk.

He Tournament hi Union Ministry of Home Affairs hnuaia hmalakna chi khat ‘Oorja-CAPF Football Talent Hunt Tournament 2017’ kalpui mek zela buatsaih niin India-in kumin October thlaa FIFA U-17 Football World Cup a thleng tur atana rampumah football tihlarna tura hmalak a ni nghe nghe. Ooorja hnuaiah hian Assam Rifles te chuan Meghalaya, Manipur, Mizoram leh Nagaland-ah te he Football Talent Hunt Tournament hi a buatsaih  a. Stage 1 hnuaiah May thla chhungin state level tournament an zo fel vek ang a, Stage 2- hi June thlaah Shillong-ah tournment buatsaih a ni ang a, Stage 3- atan  July thla hian  Delhi ah rampum huapa Tournament hmawrbawkna a awm dawn a ni.

CAPF K Kawla Under 19 Talent Hunt Football Tournament-ah hian district 8-a football asscociation atangin football thiam mipa leh hmeichhia te an tel a ni. Kharna  hun programme ah hian Lt. Col Z.S Zuala, Parliamentary Secretary; Pu Thianghlima Pachuau, DGP; Pu Zorammawia, IGP; Maj General Upendra Dwivedi, IG(AR); Brigadier MS Mokha, DIG (AR) leh sawm bik mi hrang hrang te an tel a ni.