2762/2026-2027

Siaha the 22^nd October 2026: Health Minister Pi Lalrinpuii chuan nimin khan Siaha District a Chhaolo khua-ah Primacy Health Centre (PHC) leh Medical Officer’s Quarters sak mek te a tlawh.

Pi Lalrinpuii chuan ropui taka hmuaktu Khawtlang mipuite chungah lawmthu a sawi a, PHC leh Medical Quarter tha leh changtlung tak an neih thuai dawn avangin a lawmpui thu a sawi.

Chhaolo khua tana hmasawnna hna thawh hrang hrang a tarlang a, Khawtlang leh ram hmasawn zel na turin theihtawp chhuahpui turin leh tawiawm zel turin a ngen. Mi retheite hmakhua ngaiin Mizoram Sawrkar chuan huapzo health care scheme a duang chhuak a, khualkhuaa mithi an awmin a thlawna an ruang phurh hawna tur scheme pawh a duang a ni tiin sawrkar thiltih te hriatpuia hmang tangkai theuh turin a chah bawk.

Hriselna ngai pawimawh tura chahin Minister chuan zuk leh hmuam, Ruihtheihthil a fihlim zel turin a chah a, khaw hrisel leh thianghlim an nih theihna turin theihtawp chhuah turin a chah bawk a ni.

Chhaolo PHC hi NABARD atanga sak a ni a,cheng nuai 362 senga sak a ni. Feb.2026 khan sak tan a ni a. Za ah 86 vel sak zawh tawh a ni. MO Quarter hi NABARD atang tho a sak niin cheng nuai 60 senga sak a ni.

Minister lawmna inkhawm tawi hi Iahmo Opi-ah hman niin Pu B Rathie , VCP chuan a kaihruai a, Joint Village Council Chhaolo in thusawi tawi a nei bawk.