Vawiin khan Dr.R.Lalthangliana, Health Minister chuan Ebenezar Medical Centre kum khat tlin lawmna Aizawl ah a hmanpui a,  Health Care Scheme chu mipui tam zawkin an chhawr tangkai theihna turin hun rei lote chhunga awmze nei zawka kalpui tum a nih thu a sawi.

Dr.R.Lalthangliana, Health Minister hian damlo enkawlna hna chu rawngbawlna ropui tak a nih thu leh a thawktu te kutah mawhphurna sang tak a awm thu a sawi a. Ebenezar Medical Centre-a thawktu te chu mihring in damna an neih theih nana hna thawk an ni tih in hre thar leh turin a chah bawk a ni. ‘World Breast feeding week ‘ puala siam pamphlet chu Health Minister hian a tlangzarh nghal a ni.

Ebenezar Medical Centre hi Multi Speciality Hospital niin tunah hian khum 100 a awm mek a, ICU leh HDU khum 20 awmin Mizoram a ICU lian ber a ni mek a ni.