2472/2025-2026

17th September, 2025 : Vawiin khan Health Minister Pi Lalrinpuii chuan Salvation Army Conference Hall, Zemabawkah RIPANS buatsaih - Free Medical & Health Camps a hawng a.  He health camp hi sawrkar laipui hmalakna Swasth Nari, Sashakt Parivar Abhiyaan  tihhlawhtlin a peng pakhat a ni.

He hunah hian Pi Lalrinpuii chuan thu sawiin Hmeichhia te hi chhungkaw innghahna bulpui pakhat Kan ni a, Hmeichhe hrisel chuan chhungkaw hrisel a ken tel tlat avangin Kan hriselna kan ngaih pawimawh zual a ngai hle a ni. Tunlaiah non communicable disease Kan tih - thisen sang, zunthlum leh hypertension Kan neih leh neih loh te hi Kan in check uluk a ngai hle a, hetiang hian nunna tam tak a lak tawh avangin a Kan ei leh in Kan fimkhur a, a khat tawka Kan taksa hriselna dinhmun diktak hre tura test Kan neih thin a that thu sawiin, chutiang tura RIPANS in mipui tana free medical health camp an buatsaih chu a lawmawm a tiin, mipui tam takin chhawr tangkai thei se a duh thu a sawi a ni.

He hunah hian Dr Sanjay D Sawant, Director RIPANS in inlawmna thu a sawi a, hetiang health camp hi vawi 10 lai neih an tum thu a sawi a.  Dr Laura VL Biakthangi'n campaign chungchang tlangpui a sawifiahin, Zemabawk Local Council President Pu Zosangliana pawhin thusawina hun a nei bawk.