Vawiin khan Health Minister Pu Lal Thanzara chuan a office-ah Health Department hotute kawmna hun a hmang. He meeting-ah hian Mizorama medical college din a nih theih nan a hmalak dan tur kawng hrang hrang sawiho a ni.

Meeting-ah hian State Planning Board Secretary Pu P.L. Thanga, Health & Family Welfare Secretary Pi Esther Lalruatkimi, Principal Director Dr. Lalrinliana Sailo, Health Services Director Dr. K. Ropari leh Hospital & Medical Education Director Dr. Lalbiakkima te an tel a ni.