Vawiin  chawhma dar 11:00 khan Health Minister Pu Lalrinliana Sailo chuan Health Workers training institute, Boys Hostel Kulikawn a mi chu a hawng.

He Boys hostel hawnna puala inkhawm hi Dr.Lawmzuala, PMO Chairman-na hnuaiah neih a ni a. Pi Lalthari Ralte, PNO chuan Pathian hnenah inhlanna hun a hmang a. Technical Report hi Dr. Lawmzuala hnen atangin ngaihthlak a ni bawk. He huna thusawitu Khuallian Pu Lalrinliana chuan Boys Hostel peihfel a lo ni thei chu lawmawm a tih thu a sawiin Health department pawimawhna hrang hrangte tarlanga zirlaite pawh theihtawp a zirna kawnga tan la turin a fuih a, \"Hlawhtlinna piah lamah hian Hlutna kan nei tur a ni\" tiin zirlai leh kalkhawmte a fuih a ni.

Health Workers training institute, Boys Hostel hi CIVIL WORKS phase-I leh II a then a ni a. Phase-I hi Rs Nuai 64.84 niin Phase-II ah hian Rs. Nuai 37.37 dah a ni thung. He building ah hian zirlai naupangte tan khum 60 dah theihna tura ruahman a ni.

Pi Zothankimi sailo, Tutor in Vote of thanks a sawi hnuah Laltawngtaina a hun tih tawp a ni.