Aizawl Civil Hospital - Block F Buildingah Hospital hmanraw thar neihte leh Cabin sak thar te vawiin khan Pu Lal Thanzara Health Minister in a hawng.

India ram sawrkar leh Mizoram Sawrkar hian mipuite hriselna hi a ngaih pawimawh berte zinga mi a niin chumi ti hlawhtling tur chuan Doctor,Nurse,Para- Medical leh Technician te bakah hmunhma tha te, khawl tha leh training na tha leh thil dang tam tak te mamawh a ni. Chutiang atana tangkai tur leh pawimawh tak tak vawiin ah hawn a nih chu lawmawm a tih thu khuallian Pu Lal Thanzara chuan sawiin mipuite hrilselna tur leh damlote enkawlna kawnga hmanraw pawimawh leh thawktu te bakah Doctor te Mizoram chhunga Damdawi In leh Health Centre ah te dah tum a nih laiin kawng thenkhatah harsatna a awm leh thin avangin duh angin hmalak chak a harsat phah a ni a ti a.Heng sukiang tur hian Sorkar chuan hmasawn turin hma a la reng in tunah pawh mamawhna a nasat avanga Doctor engemaw zah lak belh vat tur a ni a ti .

Damdawiin te hi nileng zankhua in damlo leh mi chi hrang hrang in an bawr reng a, thawktu te pawh hah tak leh indaihlo taka thawk an nih avangin hetiang karah hian tihpalh leh tawngkam in man fuh lo te, rilru na leh thinlung inhliam sak te awm thei anih avangin hetiang thil thleng a lo awm tawh thin anih pawh in hriatthiamna nei theuh turin Health Minister chuan a ngen a, neitu rilru pu in thurawn tha ( Positive advise ) pe zawk thin tur in a chah nghal bawk.

Hospital that nan leh tih changtlun nan a mi inphal te Sawrkar Department thenkhat te leh Mizoram a Company leh Public Sector lian te hnenah lawmthu sawiin khuallian chuan heng te hi vawiin khan a hawng a ni.

1. Emergency Pool Van : donated by RKS & Well wishers

2. Digital X-Ray machine & Ultrasound machine : donated by Samsung Smart Health Care, New Delhi

3. State Medical Library

4. Grace Cabin and 6 New Cabins

5. Geriatic beds (4 nos.)

6. Visit to Catherization Laboratory – Cardiology department

Cabin 6 te hi mithahnemngai ten an chhungte hriatreng nana an donated niin an hminga Cabin dah a ni a, chungte chu :

1. HP Sailo Cabin – donated by His Sons & Daughters, Zarkawt, Aizawl

2. Dr. Thansiama Cabin – donated by Pi Lianzuali & family, Zarkawt, Aizawl

3. Dr. Lalsangluaia Sailo Cabin – donated by Pi Lalhuliani & family, Dawrpui, Aizawl.

4. Dr. Thanchamliana cabin – donated by Dr. K.Ropari & family, Ramhlun North, Aizawl.

5. Pu K. Saptawna Cabin – donated by Lianchhingi & family, Luangmual, Aizawl

6. Pu R. Lalrosanga Cabin – donated by R. Sangkhuma & Family, Khatla, Aizawl 

Dr. F. Lallianhlira, Princial Director kaihhruai vawiin hawnna programme ah hian Aizawl Civil Hospital in Quality Assurance (QA) Accreditation leh NABL Accreditation of Microbiology Department in an dawn citation chu khuallian hian a hlan nghal a. Dr. T. Lalhmangaihi, Director, HME, Dr. Eric Zomawia, Dy. Director, HME leh Dr K.L Remsanga, Medical Superitendent, CH(A) ten technical report an pe a, Dr. H. Lalchungnunga, Director, Health Services in lawmthu sawiin hun a khar a ni.