Vawiin khan Mizoram State Legal Services Authority (MSLSA) leh Aizawl District Legal Services Authority (ADLSA) te  bultumin ‘Plea Bargaining’ chungchang  sawi hona seminar Aijal club Reception Hall-ah neih a ni.

He Seminar ah hian Presentation ngaihthlakna te neih a ni . Pu Joseph Lalchhanhima Renthlei, Advocate, hnena atangin ‘Concept of Plea Bargaining ‘ tih leh Pu C. Lalramzauva, Senior Advocate, President, Mizoram Bar Association hnen atangin ‘Administration of Criminal Law in Mizoram and Plea Bargaining’ tih thupui hmang  tein zir hona neih a ni a. Justice A.C Upadhyay, Director, Judicial Academy, Assam hnen atangin Plea Bargaining chungchanga hriat ngai te leh dan kaihhnawihte inhrilhhriatna neih a ni bawk.

Plea Bargaining hi India ramah kan hmelhriatna a la rei lo a, Law Commission-in kum 1991 a zirchianna leh sawi hona a neihna eng atanga atah tawla  hman theih tura siam chhoh a ni. Hemi dan hnuaiah hian thil tisualtu in a thiamlohna te a pawm a, a inpuan hnuah a khingtu hnenah ngaihdam a dilin emaw, hremna tihnepsak a dil thei a ni.  Thil tihsual zawng zawngah  Plea Bargaining hi a hman theih lova, hman theih lohna te chu dan in a siam vek a ni. A nihna ang taka hman a nih chuan tun aia chak zawk hian Court rorelna  hi a kal thei dawn a ni.

Seminar ah hian Justice Ujjal Bhuyan, Judge, Guwahati High Court and Executive Chairman, MSLSA ; Justice Nelson Sailo, Judge, Guwahati High Court; Pu TL Guite, Registrar, Guwahati High Court, Aizawl Bench; Pi Marli Vankung, Secretary, Law and Judicial; Pu Joel Joseph Denga, Member Secretary, MSLSA; Dan hremi leh zirlai thahnem tak an tel a ni.