Vawiin chawhma khan Aijal Club-ah Law Minister Pu Lalsawta chuan Mizoram sawrkhar hnuaia Public Prosecutor leh Advocate te intahhriamna atana buatsaih , ni 2 awhtur, 'Training of Public Prosecutors & Government Advocates' chu a hawng a. 

Law Minister Pu Lalsawta chuan  Public Prosecutor leh Advocate te chu titi puiin an hmasawn dan te a zawh bakah chak zawka hna an thawhtheihna tura an mamawh te leh an harsatna te a zawt a.  Court ah sawrkar dinhmun a that theihnan traning chu buatsaih a ni tih tarlangin Public Prosecutor leh Advocate te chuan training chu ngaipawimawh a, an training atanga hlawkna an neih chu an case khawihah  lanchhuah tir an tum a ngai a ni a ti. Zawi zawiin sawrkhar Public Prosecutor leh Advocate te'n hma an sawn thu sawiin hmasawn lehzualna tur erawh tam tak a la awm a ni a ti a. Sawrkhar aiawh court hmaa ding, Public Prosecutor leh Advocate  te dinhmun a lo that zawk nan Department atanga parawise comment petute pawh an tan lehzual a ngai  a ti. 

Training hawnna programme hi Pi Marli Vankung, Secretary, Law & Judicial leh Pu Zahmingthanga Ralte, Joint Secretary, Law & Judicial ten an kaihruai a. Public Prosecutor leh Advocate te chuan  an training chhung hian - The Mizo Marriage, Divorce and Inheritance of Property Act, 2014, Important Provisions of Prevention of Corruption Act, 1988, Drugs and Cosmetics Act, 1940, Mizoram Lokayukta Act, 2014, National Investigation Agency Act, 2008, Arms Act, 1959, Explosive Substance Act, 1908, Sexual Offences against women, protection, punishment, etc., Mizoram Civil Courts Act, 2005, Registration Act, 1908 with special reference to fees for registration of documents in Mizoram and Indian Stamp Act, 1899 with reference to Mizoram Amendments leh Limitation Act, 1963 and Essential Commodities Act, 1955 te an zirchiang dawn a ni.