Health Minister Pu Lal Thanzara chuan vawiin chawhnu khan Dr Lalkhawngaihsanga lehkhabu ziak Gilead Thinghnai (Hriselna Lamtluang)  a tlangzarh. 

Health Minister chuan mihring hriselna vawn him dan, natna tha lo veilo tura inven dan leh ramhmul damdawi hmanga inenkawlna lam hawi Gilead Thinghnai (Hriselna Lamtluang) lehkhabu mipui lei theih tura phochhuah a ni ta chu lawmawm a ti a. Natnate hi kan tawrh tur ni mahse mihring siamchawp tam tak a awm a, Mizote hi eizawnna hahdam zawk chelha kan lo awm awl tak avang leh ei leh ina kan insum loh avangin diabetes, bp sang, lungthalo leh natna dang tam tak kan vei phah nasa a ni, Health Minister chuan a ti.  Mizo mipui tana lehkhabu rotling leh hlu tak tur nia sawiin Gilead Thinghnai (Hriselna Lamtluang) a thu inziakte chu a chhiartu mipui tana tangkai a nih a beisei thu a sawi bawk. 

Lehkhabu tlangzarh inkhawm hi Dr Zarzoliana'n a kaihruai a, Pu R.K.Lianzuala'n lehkhabu thlir lawkna hun a hmang a ni.