Health Minister Pu Lalrinliana Sailo chuan ni 6 chhung thangin a bial leh khawchhak khaw thenkhat te a tlawh. Minister hian Khawzawl Block MHIP General Conference, Lungtana neih ah khualliana sawm anih angin a hmanpui. Hemi zawh hian Khawhai a Primary Health Center sak thar mek te a tlawh a, Damlo awmte kan na hun a nei bawk. Hemi zawh hian Biate a Community Health Center sak mek a hmun ah a en bawk. Health Minister hian a bial chhung a developoment hna kalpui mek te a en zawh hnu hian Khawzawl ah Group YMA Office tur lungphumna a nei a, Khawzawl Group YMA hnuaiah hian YMA Branch 19 lai a awm a, Budget in tukin Rs.5000 lai an tlin thei a, tin, an inhlawhna atangin Rs.2,00000 leh BADP atangin Rs.10,00,000. Hemi hmang hian Group YMA Office hi sak tum a ni.
Health Minister Pu Lalrinliana chuan Ni 1.2.2010 khan Champhai District Hospital, Rs.19.6 crore a sak tur lungphumna hun a nei bawk. Hawnna inkhawm ah hian thu tawi sawiin Kan chief Minister Zahawm tak kaihhruaina leh hmalakna avangin Hriselna lamah hma kan sawn mek thu leh tunlai hmanraw tha, Mizoramin kan la neih loh leh neih mek te pawh tihchangtlun chhoh a, neih belh te tum anih thu te a sawi a, kan hmanraw neih ang ang te mahni ta ang a enkawl a tangkai taka hmanchhoh a pawimawh thu te a sawiin Phailama in enkawlna atana sum tam tak kan khawral thin te tihziaawm anih theih nan thawktu leh inenkawlna tih phuisui chhoh mek zel anih thu a sawi bawk. Health Minister hian Company te chu hmanraw tha chauh hmang ngei turin a chah bawk. He hun ah hian Dr.P.Sangzuala, Mission Director, NRHM in thu tawi sawina hun a nei bawk. Champhai District Hospital khum 100 awm theihna tur hi a lungphumna neih zawh anih rual hian a sak tan hna tan nghal tur ani a, He damdawiin hi G+Basement & G+2 anga sak tur niin, Quarter engemaw zat nen thla 24 chhunga sak zawh hman tur aniin TANTIA Construction Company in a sak hna hi a thawk dawn ani. Lungphumna a neih zawh hian Trade and Commerce Minister Pu Lalrinliana Sailo chuan Zokhawthar lama Land Custom Building Station hmun a tlawh leh a, tih tur tul awm leh hmalak belhna awm theih awm te a en. He Building hi hman theih tura hawn thuai tum ani a, tun ah hian State Bank of India pawhin Office an hawng fel der tawh ani. Trade and Commerce Minister hian kan thlai thar te man man zawk a hralh anih theih nan theih tawp a chhuah mek a, heng te bawhzui hian rampawn lamah zinchhuah leh thuai pawh a tum a ni.
Ni 2.2.2010 khan Med-Aim Adventist Hospital, Zotlang Champhai ami chu a hmun ah a tlawh a, Damdawiin thu neitu te hian Minister hnenah hian an mamawhna te an lo thlen a, Hospital Recognition pek annih thuai theih nan a Inspection team tir thuai tura an duh thu an lo thlen bawk. Health Minister hian miin pe te'n hetianga tihdam rawngbawlna hmun tha tak an neih belh leh theih avanga lawmthu sawiin, sumdawnna rilru pu lo turin a chah a, midangte tana chhenfakawm a nih ngei a beisei thu a sawi. Tin, Damdawia inenkawlna man pawh rual khai taka kalpui tum anih thu a sawi tel bawk.
Kum 1 an sawrkar hnu hian Health Minister Pu Lalrinliana Sailo kaihhruaina hnuaiah Health Department chuan hmasawnna duhawm tam tak a nei a, heng zinga thenkhat chu Thingtlang hmun kilkhawr zawk ten hriselna tha an dawn ve theih nan Primary Health Center 4 sak thar ani a, Sub Center 21 leh Sub center quarter 28 zet sak that anih mai bakah Community Health Center quarter 5 sak thar ani. Thawktu lamah pawh Medical Officer 6, Specialist 3, Dental Surgeon 20 lak thar ani a, Health Worker 60 leh Account Clerk 16 lak thar ani bawk.
Health MNinister zin hi Health Directorate atangin Dr.P.Sangzuala, Mission Director, NRHM, Sr.EE leh AE, Pu R.Lalchhuanawma, Secretary, MPCC in a tawiawm bawk. Champhai District hotu ten an mahni bial chhung ah Minister hi tha takin an lo tawiawm bawk. February ni 2 khan dam takin Aizawl an lo thleng leh a ni.
