No.3516/2021-2022

Aizawl, 27th December, 2021 :Health Minister Dr R. Lalthangliana chuan vawiin khan Kolasib District Hospital a tlawh a, Supply Minister Pu K. Lalrinliana'n lo tawiawmin, Medical Superintendent hovin District Hospital hotuten an lo dawngsawng a, thil pawimawh tak tak sawiin inkawmhona hun tha tak an nei a ni. Dr Than gtea hian Krismas chibai bukna leh damlo kanna thilpek District Hospital hotute kutah hian a hlan nghal bawk a ni.


Health Minister hian a haw lamah Kawnpui PHC a tlawh bawk a. Damdawi in hotute leh thawktu hrang hrangten lo dawngsawngin, Minister hian krismas chibai bukna thilpek leh damlo kanna thilpek a hlan a. An dinhmun te leh mamawh thil hrang hrangte a sawipui a ni.

Dr Thangtea hian Kolasib District Hospital tlawh tura a kalkawngah vawiin chawhma dar 10 ah Serkhan khua, COVID-19 positive mi 100 chuang awmna tlawhin VLTF hnenah an  hmanraw mamawh chi hrang hrang a pe a. An khawtlang hruaitu senior Pu Hmingdailova COVID-19 vanga nunna chan a ral nghal nghal bawk a ni.

Attachment

  • Loading attachment...