No.3515/2021-2022
Aizawl, 27th December, 2021 : India ram pawn Australia leh Singapore atanga tunhnaia Mizorama lo haw RT-PCR positive result nei mi pahnih swab sample December ni 22, 2021 a National Institure of Biomedical Genomics, Kalyani, West Bengal a thawn chu COVID-19 hrik thar endikna ( Genome sequencing) neih a nih hnuah heng sample pahnihah hian Omicron hmuh a nih loh thu State Surveillance Unit ( IDSP) chuan a dawng.
Dr Pachuau Lalmalsawma, Spokesperson and Nodal Officer for COVID-19 chuan he thu hi vawiin khan puang chhuakin, Delta leh COVID-19 hrik chi hrang hrangin Mizoram a la chenchilh reng avangin hunpui kan hman mekah mipui lamin tih tak zeta COVID-19 kai lo tura kan tih turte tha taka zawm zel turin a ngen bawk a ni.
