Kulikawn Hospital tih changtlunna tur atana inkalpawhna kawngpui leh damdawiin leh a chhehvelte tih hmasawnna turin Pu Lal Thanzara, Health Minister chuan vawiin chhun dar 1 khan Kulikawn Damdawi In, Pika Road leh Mission Vengthlang Road te chu a hmunah tlawhin a fangkual.

Mizoramin hma sawn chho zelin mihring pawh kan pung chho ve zel a, chutih rualin Damdawi In siam belh leh tih changtlun zel a tul thu sawiin Health Minister chuan Falkawn Damdawi In pawh damlote mamawh phuhruk nan damdawi in leh a kaihhnawih chi hrang hrang sorkar in a dah mek a ni tiin Kulikawn Hospital pawh tih changtlun chhoh zel tur anih thu a sawi a. Kulikawn Damdawi In chuan ram leh hmun hma a nei tha a, ram awl a la tam a, khaw hrang hrang atanga pan mai theih anih avangin mipui chhawrtu tur tan kawngpui engemaw zatin he damdawi in hi a kal pawh theih avangin damdawi in tha leh tangkai tak la ni thei tur a ni, a ti a. Ruahmanna tha nei tura plan siam thiam erawh a pawimawh dawn a ni a ti bawk.

Lt. Col (Rtd.) Z.S. Zuala, Parliamentary Secretary pawhin damdawiin hmasawnna tur leh a kalpawhna kawng zauh leh tih hniamna kawnga hma an lak dan a sawi a.Pu Ramhlunsanga, AMC member pawhin helai vel kawng zauh nana mimal ram neituten compensation phut hauh lova an ram an pek ah lawmthu a sawi.

Dr. Lalhmuchhuaka, Dy. Medical Supdt. in damdawiin in an mamawh leh tul pawimawhte Health Minister hnenah hian a lo thlen a. He damdawi In ah lo thawk tawh Doctor leh Nurse te leh tuna thawk mekte thahnem ngaihna ah lawmthu a sawi bawk a ni.

Health Minister hian damdawi in tlawh pawh tu kawngpui a fangkual nghal a, hmalak dan tur amah tawiawitu PWD hotutu liante nen an enfiah nghal a ni.