3236/2023-2024

Aizawl 5th January, 2023 : Pi Lalrinpuii, Health Minister chuan vawiin khan Mizoram State Cancer Institute (MSCI) leh Regional Institute of Paramedical and Nursing Sciences (RIPANS) te a tlawh.

Health Minister hi thawktute'n tha taka lo dawngsawngin Dr. Jeremy L. Pautu, Director, MSCI chuan an hmunhmate a fanpui a. An harsatna leh mamawh hrang hrangte lo thlenin abikin inzaina khawl leh Surgeon awm vek tawh, OT Staff Nurse leh a dangte awm loh avanga Operation Theatre Run theih lova a awm chu Minister hnenah hian lo thlenin Minister pawhin theihtawpchhuaha hmalak a tum thu a sawi a. Cancer dam lo awmte pawhin Minister hnenah hian an harsatna te an lo hrilh ve bawk.

Mizoram State Cancer Institute-ah hian Kum 2023 chhungin Cancer Case 8371 an awm a. Heng zinga 3942 te hi mipa puitling niin 4416 hmeichhe puitling an ni a. Mipa naupang 13 an awm bawk. Dam lo zawng zawng zinga 1675 hi Concomitant Chemotherapy la niin mi 5269 Radical Chemotherapy la an awm a. Blood Transfusion 530 awmin BPL Patients 1548 an awm bawk a ni.

Health Minister hian Japan International Cooperation Agency (JICA) hnuaia 700 Crore senga Mizoram State Super- Specialty Cancer and Research Centre sakna hmun tur a tlawh nghal a. 700 Crore atang hian 80% hi Loan a ni ang a. 20% hi State tum tur a ni dawn a ni. Hei bakah hian Health Department hnuaia Central Medical Store chu a tlawh nghal bawk.

Vawiin vek hian Health Minister hian RIPANS tlawh bawkin Dr. Sanjay D. Sawant, Director leh Pi Lalfamkimi, M.SC (Nursing), Principal, Dr. Hlenmawia, HoD, Pharmacy Department leh Officials dangte'n an lo dawngsawng a. RIPANS Student te nen inhmelhriattirna leh Faculty te nena inkawmhona tha tak neih a ni.

RIPANS Director chuan Paramedical College awmchhun an nih thu sawiin Paramedical Hospital pawh April thla atanga function tan theih an beisei thu Health Minister hnenah hian a sawi. RIPANS hnuaiah hian Nursing, Medical Laboratory Science, Pharmacy, Radio Imaging Technology leh Optometry zirlai 867 an awm mek a ni.

Pi Lalrinpuii, Health Minister hi Dr. Lalmalsawmi Sailo, Director, DH&ME, Pi Betsy Zothanpari Sailo leh Pi Lalnunmawii Ralte, Jt. Secretary, DH&ME bakah Officials dangte'n an tawiawm a ni.