3237/2023-2024

Aizawl, 05.01.2024: Vawiin chawhma khan Sericulture Minister Pu Lalthansanga hovin Directorate of Sericulture Conference Hall, Chaltlang ah Directorate staff zawng zawng te leh District tin a Sericulture Extension Officer zawng zawngte ko khawm in Kumthar 2024 atana a inhlantharna programme neih a ni.

Thu sawiin Minister Pu Lalthansanga chuan Sericulture a thawktu zawng zawng te chu thinlung tak leh tih tak zet a kuthnathawktute thawhpui thin turin a sawm a. Dikna leh rinawmna nen, Ram rorelna khawlah Pathian nena kal dun a a nih tur thu te, Farmer-te chanpual tur tanpuina te pawh a dawngtu tur te'n chang kim thei se a duh thu te, department hmalakna te chu uluk taka vil zui a nih tur thu leh a ti tha lo te chungah a tul anga an chungthu rel a nih dawn thu te pawh a sawi. Minister chuan hriselna ngaipawimawh a, ei leh in lamah te pawh fimkhur turin kalkhawm te a chah bawk.

Meeting hi Pu C. Lalrosanga. Secretary. Department of Sericulture in kaihruaiin, Pu V. Zothansanga, Director in Sericulture Department chanchin leh hmasawnna tlangpui te report a pe a. Tun dinhmunah Department chhungah thawktu mi 298 an awm mek thu leh nikum lama Eri project an kal pui chu farmers ten an hlawkpui hle a, Eri cocoons farmers ten an thar pawh 1.8 MT chuang an thar tawh thu a sawi (Kg 1 cocoon heng ah hian cocoons 2000 - 2030 a awm thei). Sawrkar kumthar lamah pawh Muga project thar an kalpui tur te, North Eastern States Sericulture hmasawnna tur a meeting pawimawh tak pakhat Joint Co-Ordination Committee, Member Secretary, Central Silk Board Chairman na hnuaiah February ni 6, 2023 hian Mizoram in an thlen tur thu te a sawi lang bawk. Inhlantharna hun khar nan Pu Lalrinawma, Joint Director in lawmthu sawiin hun a khar a ni.

Sericulture Minister ho hian department in cocoon an dah khawm te chu a enpui nghal a ni.