417/2023-2024

Aizawl the 12th May,2023 : Nimin ni 11 May, 2023 khan National Integrated Forum of Artists & Activists (NIFAA) chuan Pachhunga University College, Seminar Hall-ah 'International Life Saver Award' hlanna inkhawm an nei a, he hunah hian Health Minister Dr.R.Lalthangliana chu khuallian niin a hmanpui.

Health Minister Dr. R. Lalthangliana chuan thisen tel lovin mihring a dam theih loh a, a mamawhtuten a hun taka thisen an dawn theihna tura hma la thin NIFAA rawngbawlna leh inpekna a fakawm hle a ni a ti. Covid-19 hripui len vanga harsatna tam tak tawh anih laia midangte nunna chhanhim tura NIFAA- in thisen pek runpui a huaihawt theih avangin mi tamtakin damna an chang a, an hnathawh chu India khua leh tui chauh ni lovin khawvelin a hriatpui a, Guiness Book of Record-ah NIFAA hming chu a chuan phah thu a tarlang. NIFAA chu India rama pawl lian leh pawimawh berte zinga mi a nih angin midangte tana entawntlak ni zel turin duhsakna a hlan a ni.

Khuallian chuan thisen pek kawngah Mizote hming a tha hle a; hei hi mipui, kohhran, tlawmngai pawl leh zirlaite inpekna vang a nNimin khan National Integrated Forum of Artists & Activists (NIFAA) chuan Pachhunga University College, Seminar Hall-ah 'International Life Saver Award' hlanna inkhawm an nei a, he hunah hian Health Minister Dr.R.Lalthangliana chu khuallian niin a hmanpui.i a ti. Thisen pe thei tur chuan hrisel tha nih a ngaih thu sawiin hriselna ngaih pawimawh thar a tul thu te, ei leh in uluk tur leh khawsak phung hrisel zawk nei thei turin mitinin tanlak thar a ngai a ni a ti bawk.

Thu a sawi zelnaah Dr. R. Lalthangliana chuan sorkar pawhin hriselna kawngah theihtawp a chhuah mek a, tun dinhmunah Mizoram chu India rama nausen kum khat hnuailam thi (Infant Mortality Rate) tlemna ber a nig thu leh mipui nawlpui hriselna dinhmun tehfung (National Health Index) NITI Aayog-in a tihchhuahah State-te zingah Mizoram chu pakhatna a nih thu a tarlang bawk. Hei hi sawrkar hmalakna chauh ni lovin Health Department-a thawktu inpekna leh mipui tawiawmn tha vang a ni a ti. HIV leh cancer bikah Mizoram dinhmun a tha lutuk lo tiin helamah hian theihtawp chhuah a ngaih thung a ni a ti.

Pu Pritpal Singh Pannu, Founding Chairman, NIFAA pawhin thu sawiin, kum 2021 khan India ram zalenna sualtu Martar pathum - Bhagat Singh, Rajguru leh Sughdev te hriatreng nan Samvedna 'Blood and Plasma Donation' India rampum huapah huaihawt niin thisen unit 90,000 lai pek a nih avangin 'World Book of Records' London-ah NIFAA hming a chuan thu a tarlang a. Tun dinhmunah 'Guiness World Record' vawi 6 lai an siam tawh thu a tarlang bawk a ni.

International Life Saver Award hi NIFAA Chapter hrang hrangah sem thin niin, mimal leh pawl hnenah pek thin a ni a. Tun tuma he lawmman dawngtute chu :-

1. ECM, KTP - Headquarters, Siaha
2. NSS Unit, PUC
3. Students' Union, Govt. Serchhip College
4. NIFAA, Siaha District
5. NIFAA, Mamit District
6. JJ Cultural Club, N. Vanlaiphai
7. Dr.Zoramdinthara
8. Alex Zosangliana
9. Jacinta Vanlalengzami
10. Esther Hnamte te an ni.

NIFAA Super Human Award chu Pu H. Rotluanga hnenah pek niin Esther Hnamte chuan NIFAA Superstar Kid Award a dawng bawk a ni.

Dr. Lalthlengliani, Project Director, MSACS chuan Mizoramah thisen pe an tam thu tarlangin, kum 2022-2033 chhung khan voluntary blood donation chu 91.54% a tlin thu a sawi a. Thisen pe thintu zawng zawngte chungah lawmthu a sawi nghal bawk a ni. Prof. H. Lalthanzara, Principal, PUC pawhin thu sawiin thisen pek chu zirlaiten an ngai pawimawh hle a ni a ti a, Mizorama zirna in zingah thisen pe tha ber an nih thu tarlangin Indira Gandhi NSS Award pawh an dawn tawh thu a tarlang bawk.

Nimina International Life Saver Award hlanna inkhawm hi Pu Alex Zosangliana, Secretary, NIFAA Mizoram Chapter chuan kaihruaiin, Pi Jacinta Vanlalengzami, President, NIFAA Mizoram Chapter-in lawmthu sawiin hun a khar a ni.


Attachment

  • Loading attachment...