No.1944/2021-2022

Aizawl, 20th August, 2021 : Health & Family Welfare Minister Dr. R. Lalthangliana chuan vawiin khan sample test runpui neihna hmun a tlawh.

Health Minister hi Dr. Pachuau Lalmalsawma, SNO, IDSP leh Lengpuia Medical staff ten an tawiawm a ni.

Health Minister chuan Lockdown puan a nih khan tangkai tak leh awmze nei zawka chetlak kan rel a, hri inkaichhawnna chhut chah mai bakah hri kaite rang taka hmuhchhuah zung zunga lakhran an nih theihnan sample test runpui (mass testing) neih kan rel a, hemi atan hian IDSP team pawh kan tihlen bakah MOT te leh private hospital te nen tan kan la tlang a, July ni 20 atanga vawiin ni thleng hian Aizawl leh a chhehvel veng/khua 70 ah mass test hi kan kalpui a, inthlahdul deuh tawh mah ila a tul angin kan la kalpui zel dawn a ni, a ti a. Kan hmalakna ten awmzia a nei niin kan hria a, hri kai zat pawh a tlahniam ve ta tial tial a, kan dinhmun dik tak kan hriat duh vangin hetiang hian hma kan la bawk a ni, a ti.

Mass test hi Lengpuiah hmun 3 ah neih niin West Serzawlah neih a ni bawk a, Lengpuiah hian sample 2333 test niin COVID-19 positive 23 hmuhchhuah a ni a, West Serzawlah hian sample 396 test niin COVID-19 positive 53 hmuhchhuah an ni.