812/2026-2027 

Siaha the 3rd June 2026:Siaha a cham mek Health & Family Welfare Minister Pi Lalrinpuii chuan tukin khan Siaha a Nursing School sak mek leh Maraland Gospel Centenary Hospital te a tlawh a, MADC CEM Pu M Laikaw leh sawrkar mite bakah zirlai pawl hruaitute leh party miten an tawiawm.

Minister chuan Nursing School sak mek, peihfel thawkhat tawh luahluh theihloa ala awm chu pawi a tih thu a sawi a, luah luh thuai a nih theih nana hmalak ngai leh thuamthat ngai lai te a enpui a, kumina luah luh ngei a nih theih nan a satu contractor chu theihtawp chhuah turin a chah.

Maraland Gospel Centenary Hospital a tlawhnaah thawktute nen inkawmin a changtu minister a nih angin an mamawh apiang a hnena thlen thin turin a chah a, District in hriselna lama hma a sawn theihna turin tanrual a pawimawh hle a ti bawk a ni. Pi Lalrinpuii hian vawiin chawhnu lamah District Hospital a tlawh nghal dawn bawk a ni.