No.7760/2020-2021

Dated  Aizawl, the 11th March, 2021: Vawiin khan ni hnih awh tur State Level Workshop on ‘Training of trainers’  on Integrated Health Information Platform under IDSP’ chu Health Minister Dr. R. Lalthangliana’n  DHS Conference Hall-ah a hawng.

Minister Dr. R.Lalthangliana chuan thu sawiin Mizoram-ah a vawikhatna atan workshop on ‘Training of trainers’  on Integrated Health Information Platform under IDSP pawimawh tak mai buatsaih a ni chu lawmawm a ti a. Information Technology sang zelah information inpek chhawndan system tha tak mai sawrkar laipuiin a duang chu Mizoram pumah April atanga hman tan tum a ni chu phurawm a ti a, hunkhirh leh hri darh huk tur ven nan pawh vawiin workshop hi a pawimawh dawn hle a ni, tih sawiin natna hrang hrang chungchanga documentation tha tak vawn theihna tur IDPS hnuaia Integrated Health Information Platform chu tangkai taka hman a nih a, midangte zirtir thei tura trainers ten awmze nei taka workshop hi hmang turin a fuih a ni.

Workshop-ah hian S, P, L Form Data Entry, Event Alert and Outbreak Management, Hands On Group Exercise, Post Test leh Discussion te neih tur a ni. Resource Persons Dr. Sandeep Goyal, Assistant Director, IDSP bakah Dr. Parag Govil, Senior Technical Officer, Infectious Diseases, Jhpiego ten training hi an  kalpui dawn a ni.

Dr. F.Lallianhlira, Principal Director, H&FW Department chuan Workshop hawnna hi a kaihruai a, Dr. Pachuau Lalmalsawma, State Surveillance Officer, IDSP chuan kalkhawmte hi lo lawmin keynote address a pe a, he hunah hian district CMOs, IDPS Staff, District Surveillance Staff leh midangte an tel a ni.