Tukin zing khan Health Minister Pu Lalrinliana Sailo, chuan Zemabawk-a Cancer Hospital hmun a tlawh. Regional Cancer Center hi luah tura peih anih theih nan siam that ngai leh siam belh tur awm te a hmun ah department lam hotute nen an en ho. He Cancer Damdawiin hi peih anih hun ah chuan khum 40, mipa khum 20 leh hmeichhia khum 20 awm theihna tur aniin, laboratory, Minor OT, Office, Surgery, Blood Bank te dah tum ani.
Mizoram ah hian Cancer vei kan tam hle a, Cancer avanga in hemna la hi mi 40 awm reng ang a ni a, Tin, nitin Chemotherapy la mi 10 an awm reng bawk, Regional Cancer Center hi khawl lamah pawh a theih ang ang a tihchangtlun chhoh anih tawh laiin thawktu lam erawh an indaihlo hle ani. Cancer natna tuar mek te, a bik in thingtlang lam atanga lokal te, na zual deuh tan te khualbuk tunah hian sak mek ani a, Cancer avanga natna tuar, Mi harsa zawk te tan a panna hi a hlat tham deuh avangin he hmun panna atan hian Health Minister hmalakna in Bus lei tum mek a ni bawk. Cancer Society of Mizoram pawhin heng harsatna hrang hrang te hi sutkian tumin hma an la reng a, tunah pawh Cancer khualbuk la sak peih loh anih avangin miin luahhawh sakin kualbuk te an siam sak bawk
