Vawiin chawhnu khan Chief Minister’s Conference Room-ah Health Minister Pu Lal Thanzara, H&FW Department, NLUP Implementing Board (NIB) leh Environment India Foundation (EIF) aiawh ten inkawmhona an nei.

Environment India Foundation (EIF) hian Mizoramah hriselna, zirna, agriculture leh field dangah hmasawnna a awm theih nan rawtna hrang hrang an siam a, vawiin meeting-ah hian Health & Family Welfare Department nen thukhawmin reusable sanitary napkins thatna leh Mizorama hman a nih theih nana hmalak dan tur te sawiho a ni a. Reusable Sanitary Napkins hi Karnataka leh Puducherry-ah kalpui a lo ni tawh a ni. Medical College changtlung tak din a nih theih nan Christian Medical College, Vellore nena thawhho dan tur sawiho a ni bawk. Naktukah hian Health & Family Welfare Department hotute nen thutkhawmna hun neih leh a ni ang.

Health Minister Pu Lal Thanzara chuan kalkhawmte lawmna thu a sawi a. State Planning Board leh NIB Vice Chairman ni bawk Pu P.L Thanga chuan meeting chungchang sawi zauna hun a nei a. EIF aiawhin Dr. Vijayakumar James atangin EIF  leh reusable sanitary pads chungchang ngaihthlak a ni a. Health & Medical Education Director Dr. T. Lalhmangaihi chuan Mizoram Institute of Medical Education & Research (MIMER) chungchang presentation a pe a. NIB Secretary Pu James Lalrinchhana chuan lawmthu sawina in hun a khar a ni. He hunah hian H&FW hotute, MIMER Director, RBSK/RKSK Programme Officer, EIF leh NIB aiawhte an tel a. NLUP Implementing Board (NIB) hian EIF leh sawrkar department hrang hrang inkara palai hna an thawk a ni.